ಧರ್ಮಪುರ: ಮಹಾ ಮಳೆ, ಅಪಾರ ನಷ್ಟ

7

ಧರ್ಮಪುರ: ಮಹಾ ಮಳೆ, ಅಪಾರ ನಷ್ಟ

Published:
Updated:

ಧರ್ಮಪುರ: ಹೋಬಳಿಯಲ್ಲಿ ಬುಧವಾರ ರಾತ್ರಿ ಸುರಿದ ಭಾರೀ ಮಳೆಯಿಂದ ಅಪಾರ ನಷ್ಟ ಸಂಭವಿಸಿದ ಘಟನೆಗಳು ನಡೆದಿವೆ.

ಹೋಬಳಿಯ ಶ್ರವಣಗೆರೆ, ಅರಳಿಕೆರೆ, ಸಕ್ಕರ, ಖಂಡೇನಹಳ್ಳಿ, ಹಲಗಲದ್ದಿ, ಮದ್ದಿಹಳ್ಳಿ, ಸೂಗೂರು, ಮುಂಗಸವಳ್ಳಿ, ಅಬ್ಬಿನಹೊಳೆ, ಈಶ್ವರಗೆರೆ, ಹೊಸಕೆರೆ, ಬೇತೂರು ಕೆರೆಗಳು ಭರ್ತಿಯಾಗಿ ಕೋಡಿ ಬಿದ್ದಿವೆ.



ನೀರುಪಾಲು: ಸಮೀಪದ ಸಾಲುಣಿಸೆ ಗ್ರಾಮದಲ್ಲಿ 35ಎಕರೆ ಪ್ರದೇಶದಲ್ಲಿನ ಭಾಗ್ಯ ಮೀನು ಮರಿ ಪಾಲನ ಕೇಂದ್ರ ಸಂಪೂರ್ಣವಾಗಿ ಕೊಚ್ಚಿ ಹೋಗಿದೆ ಈ ಮೀನು ಮರಿ ಪಾಲನ ಕೇಂದ್ರದಲ್ಲಿ 1.50 ಕೋಟಿ ಫಿಂಗರ್ ಲಿಂಕ್ಸ್, ಕಾಟ್ಲ್, ಮಗಾಲ ಮತ್ತಿತರ ಜಾತಿಯ ಮೀನು ಮರಿಗಳು ನೀರಿನಲ್ಲಿ ಕೊಚ್ಚಿಹೋಗಿವೆ 6 ಫಿಷ್ ಪಾಂಡ್ ಸಂಪೂರ್ಣವಾಗಿ ನಾಶವಾಗಿವೆ ಪೈಪ್‌ಲೈನ್ ಕೊಳವೆಬಾವಿ, ಏರಿ ಹೊಡೆದು ಸುಮಾರು `50 ಲಕ್ಷ ನಷ್ಟ ಸಂಭವಿಸಿದೆ. ಕಳೆದ 6ವರ್ಷಗಳಿಂದ ಕರ್ನಾಟಕ ಮತ್ತು ಆಂಧ್ರ ಪ್ರದೇಶಕ್ಕೆ ಮೀನು ಮರಿ ಪೂರೈಕೆ ಮಾಡುತ್ತಿದ್ದು ಬ್ಯಾಂಕಿನಲ್ಲಿ ಕೋಟಿಗಟ್ಟಲೆ ಸಾಲ ಮಾಡಿ ಈಗ ಬೀದಿಗೆ ಬಿದ್ದ ಪರಿಸ್ಥಿತಿ ಉಂಟಾಗಿದೆ ಎಂದು ಮಾಲೀಕ ಸಿ.ನಟರಾಜ್ ತಮ್ಮ ಅಳಲು ತೊಡಿಕೊಂಡರು.



ಬೆಳೆ ಹಾನಿ: ಧರ್ಮಪುರ ಹೋಬಳಿಯ ಕುರಿದಾಸನಹಟ್ಟಿ, ಬೇತೂರು, ಅರಳಿಕೆರೆ, ಕಣಜನಹಳ್ಳಿ ಮತ್ತಿತರ ಗ್ರಾಮಗಳಲ್ಲಿ ಈರುಳ್ಳಿ, ಹತ್ತಿಗಿಡ, ರಾಗಿ, ಸೂರ್ಯಕಾಂತಿ, ಜೋಳ ನೀರು ಪಾಲಾಗಿ ಅಪಾರ ನಷ್ಟ ಸಂಭವಿಸಿದೆ.



ಕುರಿದಾಸನಹಟ್ಟಿಯ ಈರಣ್ಣ ಅವರ 5 ಎಕರೆ ಜಮೀನಿನಲ್ಲಿ ಕಿತ್ತು ಹಾಕಿದ್ದ ಈರುಳ್ಳಿ ಮಳೆ ನೀರಿನಲ್ಲಿ ಕೊಚ್ಚಿ ಹೋಗಿ ಸುಮಾರು ` 20 ಲಕ್ಷ ನಷ್ಟ ಸಂಭವಿಸಿದೆ.



ಅರಳಿಕೆರೆ, ಹಲಗಲದ್ದಿ ಮತ್ತು ಮದ್ದಿಹಳ್ಳಿ ಕೆರೆಗಳು ಭರ್ತಿಯಾಗಿ ಏರಿ ಹೊಡೆಯುವ ಅಪಾಯದ ಸ್ಥಿತಿಯಲ್ಲಿವೆ. ಈಗಾಗಲೇ ನೀರಾವರಿ ಇಲಾಖೆಯ ಎಂಜಿನಿಯರ್ ಸ್ಥಳಕ್ಕೆ ಭೆೇಟಿ ನೀಡಿ ಕ್ರಮ ಕೈಗೊಂಡಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry