ಧಾರವಾಡ ರಸ್ತೆಯಲ್ಲೂ ಹೊಂಡಗಳ ಸಾಮ್ರಾಜ್ಯ

ಬುಧವಾರ, ಮೇ 22, 2019
32 °C

ಧಾರವಾಡ ರಸ್ತೆಯಲ್ಲೂ ಹೊಂಡಗಳ ಸಾಮ್ರಾಜ್ಯ

Published:
Updated:

ಧಾರವಾಡ: ಕಳೆದ ಐದು ದಿನಗಳಿಂದ ಸುರಿಯುತ್ತಿರುವ ಮಳೆಗೆ ನಗರದ ಬಹುತೇಕ ರಸ್ತೆಗಳು ಹಾಳಾಗಿವೆ. ದಿನವೀಡಿ ಸುರಿಯುತ್ತಿರುವ ಮಳೆಯಿಂದ ಜನಜೀವನ ಅಸ್ತವ್ಯಸ್ತಗೊಂಡಿದೆ. ಶುಕ್ರವಾರ ಕೆಲ ಹೊತ್ತು ಮಾತ್ರ ಬಳೆ ಬಿಡುವು ನೀಡಿತ್ತು.



ಸತತ ಮಳೆಗೆ ನೆಂದಿದ್ದ ಗೋಡೆಯೊಂದು ಕುಸಿದು ಬಿದ್ದಿದೆ. ಇಲ್ಲಿನ ಮದಾರ ಮಡ್ಡಿಯ ತಿಮ್ಮಪ್ಪ ಸಾಂಬ್ರಾಣಿ ಎಂಬುವರ ಮನೆಯ ಗೋಡೆ ಕುಸಿದಿದೆ. ಯಾವುದೇ ಹಾನಿ ಸಂಭವಿಸಿಲ್ಲ.



ಬುಧವಾರ (ಆ. 30) ಮಳೆ ಸುರಿದಿದ್ದರಿಂದ ರಮ್ಜಾನ್ ಹಬ್ಬದ ಅಂಗವಾಗಿ ಮುಸ್ಲಿಂ ಬಾಂಧವರು ಮಳೆಯಲ್ಲಿಯೇ ಪ್ರಾರ್ಥನೆ ಸಲ್ಲಿಸ ಬೇಕಾಯಿತು.



ಗುರುವಾರ (ಆ. 31) ಸಾರ್ವಜನಿಕ ಗಣೇಶೋತ್ಸವ ಮಂಡಳಗಳ ಗಣೇಶ ಮೂರ್ತಿಗಳ ಮೆರವಣಿಗೆಗೆ ಮಳೆಯಿಂದ ತೀವ್ರ ಅಡಚಣೆ ಉಂಟಾಯಿತು. ರಾತ್ರಿ 10ರ ವರೆಗೆ ಗಣೇಶ ಮೂರ್ತಿಗಳ ಮೆರವಣಿಗೆ, ಪ್ರತಿಷ್ಠಾಪನೆ ನಡೆಯಿತು.



ಆ. 28 ರಿಂದ ಸೆ. 2ರ ವರೆಗೆ ಧಾರವಾಡ ತಾಲ್ಲೂಕಿನಲ್ಲಿ 53.97 ಮಿಮೀ, ಹುಬ್ಬಳ್ಳಿಯಲ್ಲಿ 29.57 ಮಿಮೀ, ಕಲಘಟಗಿಯಲ್ಲಿ 83.48 ಮಿಮೀ, ಕುಂದಗೋಳದಲ್ಲಿ 29.9 ಹಾಗೂ ನವಲಗುಂದ ತಾಲ್ಲೂಕಿನಲ್ಲಿ 12.15 ಮಿಮೀ ಮಳೆ ಆಗಿದೆ. ತೇಗೂರು, ಛಬ್ಬಿ, ಕಲಘಟಗಿ, ಧುಮ್ಮವಾಡ, ಅಣ್ಣಿಗೇರಿ ಪ್ರದೇಶಗಳ ಸುತ್ತಮುತ್ತಲು ಹೆಚ್ಚಿನ ಪ್ರಮಾಣದ ಮಳೆ ಆಗಿದೆ ಎಂದು ಜಿಲ್ಲಾಧಿಕಾರಿ ದರ್ಪಣ ಜೈನ್ ತಿಳಿಸಿದ್ದಾರೆ.



ಜಿಲ್ಲೆಯಲ್ಲಿ ಆಗಸ್ಟ್ ತಿಂಗಳಿನಲ್ಲಿ ಸರಾಸರಿ 99.9 ಮಿಮೀ ವಾಡಿಕೆ ಮಳೆ ಆಗಬೇಕಿತ್ತು, ಆದರೆ 116.72 ಮಿಮೀ ಮಳೆ ಆಗಿದೆ. ಧಾರವಾಡ ತಾಲ್ಲೂಕಿನಲ್ಲಿ ವಾಡಿಕೆ ಮಳೆ 118.6 ಮಿಮೀ ಆಗಬೇಕಿತ್ತು ಆದರೆ 150.47 ಮಿಮೀ ಮಳೆ ಆಗಿದೆ.



ಹುಬ್ಬಳ್ಳಿಯಲ್ಲಿ ವಾಡಿಕೆ ಮಳೆ 84.3 ಮಿಮೀ ಆಗಬೇಕಿತ್ತು ಆದರೆ 66.3 ಮಿಮೀ, ಕಲಘಟಗಿಯಲ್ಲಿ 153.7 ಮಿಮೀ ವಾಡಿಕೆ, ಆದರೆ 171.43 ಮಿಮೀ, ಕುಂದಗೋಳದಲ್ಲಿ 75.6 ವಾಡಿಕೆ, ಆದರೆ 63.85 ಮಿಮೀ ಹಾಗೂ ನವಲಗುಂದದಲ್ಲಿ 67.4 ಮಿಮೀ ವಾಡಿಕೆ ಮಳೆ ಆಗಬೇಕಿತ್ತು. ಇದುವರೆಗೆ ಸುಮಾರು 131.56 ಮಿಮೀ ಮಳೆಯಾಗಿದೆ ಎಂದು ಜಿಲ್ಲಾಧಿಕಾರಿ ತಿಳಿಸಿದ್ದಾರೆ.

 

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry