ಬುಧವಾರ, ನವೆಂಬರ್ 20, 2019
22 °C

ನವದೆಹಲಿಯಲ್ಲಿ ಥಾಮಸ್ ಕಪ್, ಉಬೆರ್ ಕಪ್

Published:
Updated:

ನವದೆಹಲಿ (ಐಎಎನ್‌ಎಸ್): ವಿಶ್ವ ಬ್ಯಾಡ್ಮಿಂಟನ್ ಫೆಡರೇಷನ್ (ಬಿಬ್ಲ್ಯುಎಫ್) ಆಯೋಜಿಸುವ ಪ್ರತಿಷ್ಠಿತ ಟೂರ್ನಿಗಳಾದ `ಥಾಮಸ್ ಕಪ್' ಮತ್ತು `ಉಬೆರ್ ಕಪ್'ನ ಫೈನಲ್ ಪಂದ್ಯಗಳು ಮುಂದಿನ ವರ್ಷ ಇಲ್ಲಿ ನಡೆಯಲಿರುವುದು ಖಚಿತವಾಗಿದೆ.



ಭಾರತ ಈ ಎರಡು ಟೂರ್ನಿಗಳ ಫೈನಲ್ ಪಂದ್ಯಗಳಿಗೆ ಆತಿಥ್ಯ ವಹಿಸುವ ಸಾಧ್ಯತೆ ಇದೆ ಎಂದು ಸೋಮವಾರ ಭಾರತೀಯ ಬ್ಯಾಡ್ಮಿಂಟನ್ ಅಸೋಸಿಯೇಷನ್‌ನ (ಬಿಎಐ) ಅಧ್ಯಕ್ಷ ಅಖಿಲೇಶ್ ದಾಸ್ ಗುಪ್ತಾ ಹೇಳಿದ್ದರು. ಪಂದ್ಯ ಆಯೋಜನೆಗೆ ಲಖನೌ ಮತ್ತು ಹೈದರಾಬಾದ್ ನಗರಗಳನ್ನೂ ಆಯ್ಕೆ ಮಾಡಿಕೊಳ್ಳಲಾಗಿತ್ತು.



ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಬಿಡಬ್ಲ್ಯುಎಫ್ ಅಧಿಕಾರಿಯೊಬ್ಬರು, `ಹರಾಜು ಪ್ರಕ್ರಿಯೆಯಲ್ಲಿ ಭಾಗವಹಿಸಿದಾಗ ಭಾರತವು ಪಂದ್ಯ ಆಯೋಜನೆಗೊಳ್ಳಲಿರುವ ನಗರದ ಹೆಸರನ್ನೂ ಉಲ್ಲೇಖಿಸಿತ್ತು. ಸೂಪರ್ ಸರಣಿಯ ಹರಾಜಿನಲ್ಲೂ ಇದೇ ರೀತಿ ಮಾಡಲಾಗಿತ್ತು. ಟೂರ್ನಿಗಳ ಬಗ್ಗೆ ಅಧಿಕೃತ ಪ್ರಕಟಣೆ ಸದ್ಯದಲ್ಲೇ ಹೊರಬೀಳಲಿದೆ' ಎಂದರು.



ಥಾಮಸ್ ಕಪ್ ಟೂರ್ನಿಯು (ಪುರುಷರ ವಿಶ್ವ ತಂಡ ಚಾಂಪಿಯನ್‌ಷಿಪ್)1948-49ರಲ್ಲೂ, ಉಬೆರ್ ಕಪ್ (ಮಹಿಳೆಯರ ವಿಶ್ವ ತಂಡ ಚಾಂಪಿಯನ್‌ಷಿಪ್) 1956-57ರಲ್ಲಿ ಆರಂಭಗೊಂಡಿದ್ದವು.

ಪ್ರತಿಕ್ರಿಯಿಸಿ (+)