ನಾಯಕತ್ವದ ಪ್ರಶ್ನೆ: ನುಣುಚಿಕೊಂಡ ದೋನಿ

7

ನಾಯಕತ್ವದ ಪ್ರಶ್ನೆ: ನುಣುಚಿಕೊಂಡ ದೋನಿ

Published:
Updated:

ಪುಣೆ (ಪಿಟಿಐ): ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಸೋಲು ಕಂಡು ಟೀಕೆಗೆ ಗುರಿಯಾಗಿರುವ ಭಾರತ ಕ್ರಿಕೆಟ್ ತಂಡದ ನಾಯಕ ಮಹೇಂದ್ರ ಸಿಂಗ್ ದೋನಿ ಅವರಿಗೆ ನಾಯಕ ಸ್ಥಾನಕ್ಕೆ ಸಂಬಂಧಿಸಿದಂತೆ ಬುಧವಾರ ಸಾಕಷ್ಟು ಪ್ರಶ್ನೆಗಳು ತೂರಿ ಬಂದವು. ಆದರೆ, ಈ ಪ್ರಶ್ನೆಗಳಿಗೆ ಉತ್ತರಿಸುವುದರಿಂದ ಅವರು ನುಣುಚಿಕೊಂಡರು.



`ನಾಯಕತ್ವ ಸ್ಥಾನ ಕುರಿತಂತೆ ಪ್ರಶ್ನೆಗಳು ಬರಲಿವೆ ಎಂಬುದು ನನಗೆ ಗೊತ್ತು. ಆದರೆ, ಈಗ ಅದಕ್ಕೆ ಉತ್ತರಿಸುವ ಅಗತ್ಯವಿಲ್ಲ. ಗುರುವಾರ ಟ್ವೆಂಟಿ-20 ಪಂದ್ಯವಿದೆ. ಆ ಪಂದ್ಯದ ಮೇಲಷ್ಟೇ ನಮ್ಮ ಗಮನ' ಎಂದು ದೋನಿ ಕರುರುವಾಕ್ಕಾಗಿ ನುಡಿದರು.



`ನಾನು ಯಾವಾಗಲೂ ಹೇಳುತ್ತಿರುತ್ತೇನೆ. ಹಿಂದೆ ಏನಾಗಿ ಹೋಯಿತು ಎನ್ನುವುದರ ಬಗ್ಗೆ ತಲೆ ಕೆಡಿಸಿಕೊಳ್ಳುವುದು ಅಗತ್ಯವಿಲ್ಲ. ಪ್ರಸ್ತುತ ಏನಾಗುತ್ತಿದೆ ಎಂಬುದು ಮುಖ್ಯ. ನಮ್ಮ ಮುಂದಿರುವುದು ಟಿ-20 ಮಾದರಿ. ಟೆಸ್ಟ್ ಪಂದ್ಯಕ್ಕಿಂತ ಟಿ-20 ತುಂಬಾ ವಿಭಿನ್ನವಾದದ್ದು. ಆದ್ದರಿಂದ ಮುಗಿದು ಹೋದ ಟೆಸ್ಟ್ ಸರಣಿಯ ಬಗ್ಗೆ ಯೋಚಿಸುವುದಿಲ್ಲ' ಎಂದು ಮಹಿ ಸ್ಪಷ್ಟವಾಗಿ ಹೇಳಿದರು.



`ಯುವಆಟಗಾರರಾದ ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ ಅವರಿಗೆ ಉತ್ತಮ ಭವಿಷ್ಯವಿದೆ. ಅದರಲ್ಲೂ ವಿಶೇಷವಾಗಿ ಸ್ಪಿನ್ ಬೌಲರ್‌ಗಳು ವಿಕೆಟ್ ಪಡೆಯಬಲ್ಲರು' ಎಂದರು. ಸಚಿನ್ ನಿವೃತ್ತಿ ನಿರ್ಧಾರ ಕುರಿತು ಎತ್ತಿದ ಪ್ರಶ್ನೆಗೆ `ಅದು ಸದ್ಯಕ್ಕೆ ಅಗತ್ಯವಿಲ್ಲ' ಎಂದಷ್ಟೇ ಚುಟುಕಾಗಿ ಉತ್ತರಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry