ನಾಯಿ ತಂದೀತು ನಾಯಿಪಾಡು!

ಶನಿವಾರ, ಮೇ 25, 2019
28 °C

ನಾಯಿ ತಂದೀತು ನಾಯಿಪಾಡು!

Published:
Updated:

ಮೆಲ್ಬರ್ನ್, (ಪಿಟಿಐ): ಆಸ್ಟ್ರೇಲಿಯಾದ ವಿಕ್ಟೋರಿಯಾ ರಾಜ್ಯದಲ್ಲಿ ಇನ್ನು ಮುಂದೆ ನಾಯಿ ಸಾಕುವವರು ಅತ್ಯಂತ ಎಚ್ಚರದಿಂದ ಇರಬೇಕಾಗುತ್ತದೆ. ಇಲ್ಲದಿದ್ದರೆ ಅವರ ಬದುಕೇ `ನಾಯಿಪಾಡು~ ಆಗಿ ಬಿಡುವ ಅಪಾಯ ಇದೆ!



ಒಂದು ವೇಳೆ ಇಲ್ಲಿನ ನಾಯಿಗಳು ಯಾರಿಗಾದರೂ ಮಾರಣಾಂತಿಕವಾಗಿ ಕಚ್ಚಿದ್ದೇ ಆದರೆ ಅವುಗಳ ಮಾಲೀಕರು 10 ವರ್ಷ ಜೈಲು ಶಿಕ್ಷೆ ಅನುಭವಿಸಬೇಕಾಗುತ್ತದೆ.



ತನ್ನ ಮನೆಯ ಅಂಗಳದಲ್ಲಿ ಆಟವಾಡುತ್ತಿದ್ದ ನಾಲ್ಕು ವರ್ಷದ ಹೆಣ್ಣು ಮಗುವನ್ನು ನೆರೆಮನೆಯ ನಾಯಿಯೊಂದು ಕಚ್ಚಿ ಕೊಂದ ಹಿನ್ನೆಲೆಯಲ್ಲಿ ಈ ಹೊಸ ಕಾನೂನನ್ನು ಜಾರಿಗೆ ತರಲಾಗಿದೆ.

ಇದರ ಅನ್ವಯ, ನಾಯಿಗಳ ಮಾಲೀಕರು ತಮ್ಮ `ಕ್ರೂರ~ ನಾಯಿಗಳನ್ನು ನೆರೆಮನೆಯವರು ಮತ್ತು ದಾರಿಹೋಕರಿಂದ ದೂರವಿರಿಸಬೇಕು.



ಇದುವರೆಗೆ ನಾಯಿ ಮಾಲೀಕರು ತಪ್ಪಿತಸ್ಥರು ಎಂದು ಕಂಡುಬಂದಲ್ಲಿ ಸಣ್ಣ ಪ್ರಮಾಣದ ದಂಡವನ್ನು ಮಾತ್ರ ವಿಧಿಸಲಾಗುತ್ತಿತ್ತು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry