ಭಾನುವಾರ, ಮೇ 16, 2021
22 °C

ನಾಳೆಯಿಂದ ದುರಸ್ತಿ: ಹಲವು ರೈಲು ರದ್ದು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹುಬ್ಬಳ್ಳಿ: ಮೈಸೂರು ರೈಲು ನಿಲ್ದಾಣದ ವ್ಯಾಪ್ತಿಯಲ್ಲಿ ದುರಸ್ತಿ ಕಾರ್ಯದ  ಕಾರಣ ಇದೇ 15ರಿಂದ 18ರವರೆಗೆ ರೈಲುಗಳ ಸಂಚಾರವನ್ನು ಪೂರ್ಣ ಇಲ್ಲವೆ ಭಾಗಶಃ ರದ್ದುಪಡಿಸಲು ನೈರುತ್ಯ ರೈಲ್ವೆ ವಲಯ ತೀರ್ಮಾನಿಸಿದೆ.



ಮೈಸೂರು-ಚಾಮರಾಜನಗರ ಪ್ಯಾಸೆಂಜರ್ (56210) ರೈಲು ಸಂಚಾರವನ್ನು 15ರಿಂದ 18ರವರೆಗೆ ಸಂಪೂರ್ಣ ರದ್ದುಗೊಳಿಸಲಾಗಿದೆ. ಬೆಂಗಳೂರು-ಮೈಸೂರು-ಬೆಂಗಳೂರು ಪ್ಯಾಸೆಂಜರ್ ರೈಲು (ನಂ. 56232/ 56237) ನಾಗನಹಳ್ಳಿವರೆಗೆ ಮಾತ್ರ ಸಂಚರಿಸುತ್ತದೆ.  ನಾಗನಹಳ್ಳಿಯಿಂದ ಮೈಸೂರು ವರೆಗಿನ ಇದರ ಸಂಚಾರವನ್ನು ಈ ನಾಲ್ಕು ದಿನಗಳ ಅವಧಿಯಲ್ಲಿ ತಡೆಹಿಡಿಯಲಾಗಿದೆ.



ಬೆಂಗಳೂರು-ಮೈಸೂರು-ಯಶವಂತಪುರ (ನಂ. 16558/ 16559) ಎಕ್ಸ್‌ಪ್ರೆಸ್ ರೈಲು ಈ ನಾಲ್ಕು ದಿನಗಳ ಅವಧಿಯಲ್ಲಿ ಪಾಂಡವಪುರದವರೆಗೆ ಮಾತ್ರ ಸಂಚರಿಸಲಿದೆ. 

 

ಯಶವಂತಪುರ-ಮೈಸೂರು -ಬೆಂಗಳೂರು (ನಂ. 16560/ 16557) ಎಕ್ಸ್‌ಪ್ರೆಸ್ ರೈಲು ನಾಗನಹಳ್ಳಿವರೆಗೆ ಓಡಲಿದೆ.



ಅರಸೀಕೆರೆ -ಮೈಸೂರು-ಶಿವಮೊಗ್ಗ ಟೌನ್ ಪ್ಯಾಸೆಂಜರ್ (56267/56270) ಮೈಸೂರು ಬದಲು ಬೆಳಗೊಳದಿಂದ ಹೊರಡಲಿದೆ. ಶಿವಮೊಗ್ಗ ಟೌನ್-ಮೈಸೂರು-ಅರಸೀಕೆರೆ ಪ್ಯಾಸೆಂಜರ್ (ನಂ. 56269/ 56268) ಬೆಳಗೊಳದವರೆಗೆ ಮಾತ್ರ ಸಂಚರಿಸಲಿದೆ. ಚಾಮರಾಜನಗರ-ತಿರುಪತಿ ಪ್ಯಾಸೆಂಜರ್ ರೈಲು (ನಂ. 56213) ಚಾಮರಾಜನಗರ ಹಾಗೂ ಮೈಸೂರು ನಿಲ್ದಾಣಗಳ ಮಧ್ಯೆ ಸಂಚರಿಸುವುದಿಲ್ಲ.



ಚಾಮರಾಜನಗರ-ಮೈಸೂರು ಪ್ಯಾಸೆಂಜರ್ (ನಂ. 56203), ಮೈಸೂರು-ನಂಜನಗೂಡು ಟೌನ್ ಪ್ಯಾಸೆಂಜರ್ (ನಂ. 06215) ಮತ್ತು ಚಾಮರಾಜನಗರ-ಮೈಸೂರು ಪ್ಯಾಸೆಂಜರ್ (ನಂ. 56209) ರೈಲುಗಳು ಅಶೋಕಪುರ ನಿಲ್ದಾಣದವರೆಗೆ ಮಾತ್ರ ಸಂಚರಿಸಲಿವೆ ಎಂದು ಪ್ರಕಟಣೆ ತಿಳಿಸಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.