ಗುರುವಾರ , ಜೂನ್ 17, 2021
21 °C

ನಿಮೀಲನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮುಟ್ಟುವುದೆಂದರೆ ಮುಟ್ಟದಿರುವುದು

ಮುಟ್ಟದಿರುವುದೆಂದರೂ ಮುಟ್ಟುವುದು

ಕಣ್ಣಾಗಿ ಕಾದು ಕೂತ

ಮೈಮರೆವಿನ ಎಚ್ಚರದಲಿ

ಎವೆಗಳೊಂದಾಗುವ ಚಡಪಡಿಕೆ

ಮುಟ್ಟಿತಾಗುವ ಮೈಮರೆವು.

ಒಂದಾಗಿಯೂ ಬೇರಾದ

ಎರಡಾಗಿಯೂ ಒಂದಾದ ಕಣ್ಣೆವೆ

ಮೈ ಮರೆವಿನಲ್ಲೂ

ಮೊಗ್ಗುಗಳರಳಿ ಪಸರಿಸಿದ ಗಂಧ

ಒಳಗೇ ಒಳಗಾಗುವ

ಕಾಯದಚ್ಚರಿಗೆ ಕೈ ಮುಗಿದು

ಒಂದು ಇನ್ನೊಂದರೊಳಗಿದ್ದು

ತುಂಬಿಕೊಳುವ ಅಲೆ ಅಲಲೆ

ವಾಚಾಳಿ ಮನಸು

ದಿಟ್ಟಿ ತೆರೆದಿಟ್ಟೇ ನಿದ್ದೆಗಿಳಿಯುತ್ತದೆ

ರೆಪ್ಪೆಯಲುಗುವಿಕೆಗೂ ರೋಮಾಂಚನ.

ನಿಶೆಯೊತ್ತಾಯದ ಕಣ್ಭಾರಕ್ಕೂ

ತೂಕಡಿಸದ ಮನಸು

ಮೈಯೆಲ್ಲಾ ಕಣ್ಣಾದ

ಹೊರ ಎಚ್ಚರದಲ್ಲೂ

ಒಳಗಿನ ಮೈಮರೆವು

ಮುಟ್ಟುವುದೆಂದರೆ ಒಂದು ಎಚ್ಚರ

ಮೈಮರೆವುದೆಂದರೂ ಇನ್ನೊಂದು ಎಚ್ಚರ.

ನಿಮೀಲನಕ್ಕೆ ಒಳಗಿನೆಚ್ಚರ

ಹೊರಗಿನ ಮೈಮರೆವು!

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.