ನಿರುದ್ಯೋಗಿ ಯುವಕರಿಗೆ ₨ 2 ಲಕ್ಷ ಸಹಾಯಧನ

7

ನಿರುದ್ಯೋಗಿ ಯುವಕರಿಗೆ ₨ 2 ಲಕ್ಷ ಸಹಾಯಧನ

Published:
Updated:

ಬೆಂಗಳೂರು: ಹಿಂದುಳಿದ ಮತ್ತು ಅಲ್ಪ­ಸಂಖ್ಯಾತ ಸಮುದಾಯಕ್ಕೆ ಸೇರಿದ 2 ಸಾವಿರ ನಿರುದ್ಯೋಗಿ ಯುವ­­ಕರಿಗೆ ಪ್ರವಾಸಿ ಟ್ಯಾಕ್ಸಿಗಳನ್ನು ಖರೀ­ದಿಸಲು ತಲಾ ₨2ಲಕ್ಷ  ಸಹಾ­ಯಧನ ನೀಡಲು ಸರ್ಕಾರ ತೀರ್ಮಾ­ನಿಸಿದೆ.



ಮುಖ್ಯಮಂತ್ರಿ ಸಿದ್ದರಾಮಯ್ಯ ಅಧ್ಯಕ್ಷತೆಯಲ್ಲಿ ಗುರುವಾರ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದ್ದು, ಒಟ್ಟು ₨40 ಕೋಟಿ ವೆಚ್ಚ ಮಾಡ­ಲಾಗುವುದು ಎಂದು ಕಾನೂನು ಸಚಿವ ಟಿ.ಬಿ.ಜಯ ಚಂದ್ರ ಸುದ್ದಿ­ಗಾರರಿಗೆ ತಿಳಿಸಿದರು.



ಕಡೂರು ತಾಲ್ಲೂಕಿನ ಜೋಡಿಲಿಂ­ಗ­ದಹಳ್ಳಿ ಮತ್ತು ಮೂಡಿಗೆರೆ ತಾಲ್ಲೂ­ಕಿನ ಹೊಸಕೆರೆ ಗ್ರಾಮದಲ್ಲಿ ₨15.31 ಕೋಟಿ ವೆಚ್ಚದಲ್ಲಿ ಮೊರಾರ್ಜಿ ದೇಸಾಯಿ ವಸತಿ ಶಾಲೆಗಳ ಸಂಕೀರ್ಣ ನಿರ್ಮಿಸಲು ತೀರ್ಮಾನಿಸಲಾಗಿದೆ.



*ರಾಜೀವ್‌ಗಾಂಧಿ ಗ್ರಾಮೀಣ ವಸತಿ ನಿಗಮದ ಮೂಲಕ ನಿರ್ಮಿ­ಸಿರುವ ಬಡಾವಣೆಗಳಿಗೆ ಮೂಲಸೌ­ಕರ್ಯ ಕಲ್ಪಿಸಲು ₨ 50 ಕೋಟಿ ವೆಚ್ಚ



*ಖಾದಿ ಮತ್ತು ಗ್ರಾಮೋದ್ಯೋಗ ಮಂಡಳಿ ಅನುಷ್ಠಾನಗೊಳಿಸುವ ಹೊಸ ಕಾರ್ಯಕ್ರಮಗಳಿಗೆ ₨38.76 ಕೋಟಿ ನೆರವು. 114 ಗ್ರಾಮ ಕೈಗಾರಿಕಾ ಘಟಕಗಳಿಗೆ ಸಹಾಯಧನ



*ಕರ್ನಾಟಕ ಸುಸ್ಥಿರ ಅರಣ್ಯ ನಿರ್ವಹಣೆ  ಯೋಜನೆಯ 3ನೇ ಹಂತದ ಅನು­ಷ್ಠಾನಕ್ಕೆ ₨1899.72 ಕೋಟಿ ನೆರವು ಪಡೆಯುವ ಸಂಬಂಧ ಜೈಕಾ­ದೊಂದಿಗೆ ಮಾತುಕತೆ ನಡೆಸಲು ತೀರ್ಮಾನ



*ಪದ್ಮಶ್ರೀ ಶ್ರೇಣಿಯ ಪ್ರಶಸ್ತಿಗಳಿಗೆ ರಾಜ್ಯದಿಂದ ಅರ್ಹರ ಹೆಸರುಗಳನ್ನು ಶಿಫಾರಸು ಮಾಡುವ ಅಧಿಕಾರವನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ನೀಡಲಾಗಿದೆ.



*ಗುಲ್ಬರ್ಗದ ಸಿದ್ಧಾರ್ಥ ವಿಹಾರ ಟ್ರಸ್ಟ್‌ ಅಂತರರಾಷ್ಟ್ರೀಯ ಮಟ್ಟದ ಪಾಳಿ, ಸಂಸ್ಕೃತ ಅಧ್ಯಯನ ಸಂಸ್ಥೆ ಆರಂಭಿಸಲಿದ್ದು, ಇದಕ್ಕೆ ರಾಜ್ಯ ಸರ್ಕಾರದಿಂದ ₨10 ಕೋಟಿ ನೆರವು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry