ನೀರಾವರಿ ಯೋಜನೆಗಳ ಸಮೀಕ್ಷೆ

7

ನೀರಾವರಿ ಯೋಜನೆಗಳ ಸಮೀಕ್ಷೆ

Published:
Updated:
ನೀರಾವರಿ ಯೋಜನೆಗಳ ಸಮೀಕ್ಷೆ

ವಿಜಾಪುರ: ‘ಜಿಲ್ಲೆಯ ಎತ್ತರದಲ್ಲಿರುವ ಪ್ರದೇಶಗಳಿಗೂ ನೀರಾವರಿ ಸೌಲಭ್ಯ ಕಲ್ಪಿಸಬೇಕು ಎಂಬ ಇಲ್ಲಿಯ ಜನಪ್ರತಿನಿಧಿಗಳ ಮನವಿಯ ಮೇರೆಗೆ 640 ಮೀಟರ್ ವರೆಗೆ ನೀರಾವರಿ ಯೋಜನೆ ರೂಪಿಸಲು ಸಮೀಕ್ಷೆ ನಡೆಸಲಾಗುವುದು’ ಎಂದು ಜಲಸಂಪನ್ಮೂಲ ಸಚಿವ ಬಸವರಾಜ ಬೊಮ್ಮಾಯಿ ಹೇಳಿದರು.ಕೃಷ್ಣಾ ಎರಡನೆಯ ನ್ಯಾಯಮಂಡಳಿ ತೀರ್ಪಿನ ಕುರಿತು ಚರ್ಚಿಸಲು ಆಲಮಟ್ಟಿಯಲ್ಲಿ ಸೋಮವಾರ ಹಮ್ಮಿಕೊಂಡದ್ದ ಕೃಷ್ಣಾ ಕಣಿವೆಯ 17 ಜಿಲ್ಲೆಗಳ ಜನಪ್ರತಿನಿಧಿಗಳ ಸಭೆಯಲ್ಲಿ ಈ ಭರವಸೆ ನೀಡಿದರು.



590 ರಿಂದ 610 ಮೀಟರ್ ಎತ್ತರದ ವರೆಗೆ ಮಾತ್ರ ಸಮೀಕ್ಷೆ ನಡೆದಿದೆ. 610 ರಿಂದ 640 ಮೀಟರ್ ಎತ್ತರದ ಪ್ರದೇಶಕ್ಕೂ ನೀರಾವರಿ ಸೌಲಭ್ಯ ಕಲ್ಪಿಸಲು ಯೋಜನಾವಾರು ಸಮೀಕ್ಷೆಯನ್ನು ನಡೆಸಲಾಗುವುದು ಎಂದರು.ಸವಳು-ಜವಳು ಸಮಸ್ಯೆಯಿಂದಾಗಿ ಪ್ರತಿ ವರ್ಷ 20 ಟಿಎಂಸಿ ಅಡಿ ನೀರು ವ್ಯರ್ಥವಾಗುತ್ತಿದೆ.ಈ ಸಮಸ್ಯೆ ಪರಿಹರಿಸಿದರೆ ಇಷ್ಟೊಂದು ನೀರು ನಮ್ಮ ಬಳಕೆಗೆ ಲಭ್ಯವಾಗಲಿದೆ.



ಇಲ್ಲಿಯವರೆಗೂ ನೀರು ಬಳಕೆಯ ಮಾಪನ ಆಗಿರಲಿಲ್ಲ. ಮೊದಲ ಬಾರಿಗೆ ಘಟಪ್ರಭಾ ಕಾಲುವೆಯಲ್ಲಿ ಟೆಲಿಮೀಟರ್ ಅಳವಡಿಸಲಾಗಿದೆ.ಇದರಿಂದ ಪ್ರತಿ ಗಂಟೆಗೊಮ್ಮೆ ನೀರಿನ ಹರಿವಿನ ಮಾಹಿತಿ ದೊರೆಯುತ್ತಿದೆ. ‘ಸ್ಕಾಡಾ’ ವ್ಯವಸ್ಥೆಯನ್ನೂ ಅಳವಡಿಸಲಾಗುತ್ತಿದ್ದು, ಆನ್‌ಲೈನ್ ಮೂಲಕವೇ ಜಲಾಶಯದ ಗೇಟ್‌ಗಳನ್ನು ನಿಯಂತ್ರಿಸಬಹುದಾಗಿದೆ ಎಂದು ಸಚಿವರು ಹೇಳಿದರು.



‘ಮಳೆ ಕಡಿಮೆಯಾದ ವರ್ಷಗಳಲ್ಲಿ ಕರ್ನಾಟಕಕ್ಕೆ ಕಡಿಮೆ ನೀರು ಲಭಿಸುವುದರಿಂದ ಆ ವರ್ಷಗಳಲ್ಲಿ ನೀರು ನಿರ್ವಹಣೆ ಕಷ್ಟವಾಗಲಿದೆ. ಮಹಾರಾಷ್ಟ್ರ ನಿಗದಿಗಿಂತ ಅಧಿಕ ನೀರನ್ನು ಸಂಗ್ರಹಿಸುತ್ತಿದೆ ಎಂಬ ಆರೋಪವೂ ಇದೆ. ಈ ಬಗ್ಗೆ ಕಾನೂನು ತಜ್ಞರೊಂದಿಗೆ ಚರ್ಚಿಸಿ ನ್ಯಾಯಮಂಡಳಿಗೆ ಪುನರ್ ಪರಿಶೀಲನಾ ಅರ್ಜಿ ಸಲ್ಲಿಸಲಾಗುವುದು’ ಎಂದು ಹೇಳಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry