ನೆಗಡಿಯೇ? ಮೂಗು ಹಿಂಡಬೇಡಿ

7

ನೆಗಡಿಯೇ? ಮೂಗು ಹಿಂಡಬೇಡಿ

Published:
Updated:
ನೆಗಡಿಯೇ? ಮೂಗು ಹಿಂಡಬೇಡಿ

ಕೆಲವರಿಗೆ ಚಳಿಗಾಲ ಮುಗಿಯುವವರೆಗೂ ನೆಗಡಿಯ ಕಾಟ ತಪ್ಪಿದ್ದಲ್ಲ. ಏನು ಮಾಡಿದರೂ ನೀಗದ ಉಪದ್ರವ ಅದು. ಅಂತಹವರು ಊಟ-ಉಪಚಾರದಲ್ಲಿ ಕೆಲವು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಂಡರೆ ನೆಗಡಿ, ಶೀತದ ತೊಂದರೆಗಳಿಂದ ಮುಕ್ತರಾಗಬಹುದು.



ಇಲ್ಲಿವೆ ಕೆಲವು ಮಾರ್ಗಗಳು-

*ಮುಂಜಾನೆ ಎದ್ದ ಕೂಡಲೇ ಒಂದು ಲೋಟ ಬಿಸಿ ನೀರಿಗೆ ಅರ್ಧ ನಿಂಬೆ ಹಣ್ಣಿನ ರಸ, ಚಿಟಿಕೆ ಉಪ್ಪು, ಒಂದು ಚಮಚ ಚ್ಯವನ್‌ಪ್ರಾಶ್ ಲೇಹ್ಯವನ್ನು ಸೇರಿಸಿ ಬಿಸಿಯಾಗಿರುವಾಗಲೇ ಕುಡಿಯಿರಿ.



*11 ಗಂಟೆಗೆ ಗ್ರೀನ್ ಟೀ ಅಥವಾ ಕಶಾಯದ ಪುಡಿಯನ್ನು ನೀರಿನಲ್ಲಿ ಕುದಿಸಿ, ಶೋಧಿಸಿ ಕುಡಿಯಿರಿ.

(ಕಶಾಯ ಹೀಗೆ ತಯಾರಿಸಿ: ಸಾಮಗ್ರಿ- ಜೀರಿಗೆ ಅರ್ಧ ಬಟ್ಟಲು, ಮೆಣಸು, ದನಿಯಾ, ಗಸಗಸೆ ಕಾಲು ಬಟ್ಟಲು. ವಿಧಾನ- ಎಲ್ಲ ಸಾಮಗ್ರಿಗಳನ್ನೂ ಹುರಿದು ಪುಡಿ ಮಾಡಿ, ಅದರ ಜೊತೆಗೆ ಸ್ವಲ್ಪ ಬೆಲ್ಲ ಸೇರಿಸಿ ಇಟ್ಟುಕೊಂಡರೆ ಬೇಕಾದಾಗ ಅದನ್ನು ನೀರಿನಲ್ಲಿ ಕುದಿಸಿ ಕುಡಿಯಬಹುದು.)



*ಒಂದು ನೆಲ್ಲಿಕಾಯಿಯನ್ನು ಬೇಯಿಸಿ ಬೀಜ ತೆಗೆದು ಮೊಸರಿಗೆ ಸೇರಿಸಿ. ಅದಕ್ಕೆ ಜೀರಿಗೆ ಪುಡಿ ಹಾಕಿ ಚೆನ್ನಾಗಿ ಕಲಸಿ. ಒಣಮೆಣಸಿನಕಾಯಿ, ಸಾಸಿವೆ ಒಗ್ಗರಣೆ ಮಾಡಿ ತುಸು ಉಪ್ಪು ಹಾಕಿ ಊಟದ ಜೊತೆ ಸೇವಿಸಿ.



*ವಾರಕ್ಕೆ ಎರಡು ದಿನವಾದರೂ ಮೆಣಸು, ಜೀರಿಗೆ, ಬೆಳ್ಳುಳ್ಳಿ ಹಾಕಿದ ರಸಂ ಅನ್ನು ಬಿಸಿ ಅನ್ನದೊಂದಿಗೆ ಸೇವಿಸಿ.

*ಮೆಂತೆ, ಪಾಲಕ್ ಅಥವಾ ಪುದೀನ ಸೊಪ್ಪಿನ ಸೂಪ್ ಅನ್ನು ಸಂಜೆಯ ಹೊತ್ತು ಕುಡಿಯಿರಿ.



*ರಾತ್ರಿ ಊಟದ ನಂತರ ಅರ್ಧ ಲೋಟ ಹಾಲು, ಅರ್ಧ ಲೋಟ ನೀರು ಸೇರಿಸಿ ಕಾಲು ಚಮಚ ಅರಿಶಿಣ ಹಾಕಿ ಕುದಿಸಿ ಬಿಸಿಯಾಗಿರುವಾಗಲೇ ಕುಡಿಯಿರಿ.

-

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry