ನೌಕರರ ಚುನಾವಣೆ: 30 ಸ್ಥಾನಗಳಿಗೆ ಅವಿರೋಧ ಆಯ್ಕೆ

ಬೀದರ್: ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ಜಿಲ್ಲಾ ಕಾರ್ಯಕಾರಿಣಿಯ 60 ಸ್ಥಾನಗಳ ಪೈಕಿ 30 ಸ್ಥಾನಗಳಿಗೆ ಅವಿರೋಧ ಆಯ್ಕೆ ನಡೆದಿದೆ ಎಂದು ಚುನಾವಣಾಧಿಕಾರಿ ನಾಸಿ ವೈಜಿನಾಥ ತಿಳಿಸಿದ್ದಾರೆ.



ನಾಮಪತ್ರ ವಾಪಸ್ ಪಡೆಯಲು ಜುಲೈ 16 ಕೊನೆ ದಿನವಾಗಿತ್ತು. 30 ಸ್ಥಾನಗಳಿಗೆ ತಲಾ ಒಬ್ಬರು ಅಭ್ಯರ್ಥಿಗಳು ಮಾತ್ರ ಕಣದಲ್ಲಿ ಉಳಿದಿದ್ದರಿಂದ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ ಎಂದು ಹೇಳಿದ್ದಾರೆ. ಸಂಘದ ಇನ್ನುಳಿದ 30 ಸ್ಥಾನಗಳಿಗಾಗಿ ಜುಲೈ 22 ರಂದು ಚುನಾವಣೆ ನಡೆಯಲಿದೆ ಎಂದು ತಿಳಿಸಿದ್ದಾರೆ.

ಪ್ರತ್ಯೇಕ ಹೇಳಿಕೆ: ಕಾರ್ಯಕಾರಿ ಸದಸ್ಯರ ಅವಿರೋಧ ಆಯ್ಕೆ ಬಗ್ಗೆ ಸಂಘದ ಹಾಲಿ ಅಧ್ಯಕ್ಷ ಬಸವರಾಜ ಭರಶೆಟ್ಟಿ ಮತ್ತು ರಾಜೇಂದ್ರಕುಮಾರ್ ಗಂದಗೆ ಮತ್ತು ತಂಡ ಪ್ರತ್ಯೇಕ ಹೇಳಿಕೆ ನೀಡಿದ್ದಾರೆ.



ಒಟ್ಟು 30 ಸ್ಥಾನಗಳಿಗೆ ಅವಿರೋಧ ಆಯ್ಕೆ ನಡೆದಿದೆ. ಆದರೆ, ಭರಶೆಟ್ಟಿ ಅವರು ತಮ್ಮ ಪನಾಲ್‌ನ 23 ಜನ ಆಯ್ಕೆಯಾಗಿದ್ದಾರೆ ಎಂದು ಹೇಳಿಕೆ ನೀಡಿದರೆ, ರಾಜೇಂದ್ರಕುಮಾರ್ ಮತ್ತು ತಂಡ ತಮ್ಮ ಪೆನಾಲ್‌ನ 24 ಜನ ಆಯ್ಕೆಯಾಗಿದ್ದಾರೆ ಎಂದು ಹೇಳಿಕೊಂಡಿದೆ. ಇದರಿಂದಾಗಿ ಸರ್ಕಾರಿ ನೌಕರರಲ್ಲಿ ಗೊಂದಲ ಮೂಡಿದೆ.