ಪಡಿತರ ವಿತರಣೆಗೆ ಆಗ್ರಹ

7

ಪಡಿತರ ವಿತರಣೆಗೆ ಆಗ್ರಹ

Published:
Updated:

ಬಂಗಾರಪೇಟೆ: ಬಿಪಿಎಲ್ ಕಾರ್ಡ್ ಹೊಂದಿದ ಎ್ಲ್ಲಲ ಕುಟುಂಬಗಳಿಗೆ 30 ಕೆಜಿ ಅಕ್ಕಿ, 10 ಕೆಜಿ ಗೋಧಿ ಸೇರಿದಂತೆ ಸಮರ್ಪಕ ಪಡಿತರ ವಿತರಣೆ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿ ಮಂಗಳವಾರ ಸ್ವಾಭಿಮಾನಿ ದಲಿತ ಸಂಘಟನೆಗಳ ವೇದಿಕೆ ಕಾರ್ಯಕರ್ತರು ಪ್ರತಿಭಟನಾ ರ‌್ಯಾಲಿ ನಡೆಸಿದರು.



ಪ್ರತಿಯೊಬ್ಬರಿಗೂ ಮೂಲಸೌಲಭ್ಯಗಳನ್ನು ಒದಗಿಸುವುದು ಸರ್ಕಾರದ ಕರ್ತವ್ಯ. ಆದರೆ ಆಹಾರ ಭದ್ರತೆ ಒದಗಿಸುವಲ್ಲಿ ಸರ್ಕಾರ ವಿಫಲವಾಗಿದೆ.  ಸಾರ್ವಜನಿಕ ವಿತರಣಾ ಯೋಜನೆಯಡಿ ಧಾನ್ಯಗಳನ್ನು ಸಮರ್ಪಕವಾಗಿ ವಿತರಿಸುತ್ತಿಲ್ಲ ಎಂದು ಪ್ರತಿಭಟನಾಕಾರರು ಆರೋಪಿಸಿದರು.



ಇಲ್ಲಿನ ಬಿಪಿಎಲ್ ಕುಟುಂಬಗಳಿಗೆ ವಿಶೇಷ ಪ್ಯಾಕೇಜ್ ನೀಡಬೇಕು. ನ್ಯಾಯಬೆಲೆ ಅಂಗಡಿಗಳಲ್ಲಿ ನಡೆಯುತ್ತಿರುವ ಅವ್ಯವಹಾರ ತಡೆಗಟ್ಟಬೇಕು ಎಂದು ಆಗ್ರಹಿಸಿದರು.



ಮುಖಂಡರಾದ ಎಸ್.ಪ್ರಭಾವತಿ, ಐ.ವಿ.ಶ್ರೀನಿವಾಸ್, ಕೆ.ಪಳನಿ, ಕೆ.ಪಿ.ಕೃಷ್ಣ, ಪಿ.ಮಣಿವಣ್ಣನ್, ಆರ್.ರವಿಬಾಬು, ಎಂ.ಕುಮಾರ್, ಎನ್.ಅನ್ಬುರಾಜ್, ಎಂ.ರಾಜೇದ್ರ ಕುಮಾರ್, ಜಿ.ಶೇಖರನ್, ವಿ.ಎಲ್ಲಪ್ಪ, ಕಾರಬೆಲೆ ವೆಂಕಟೇಶ್ ಭಾಗವಹಿಸಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry