ಪಾಕಿಸ್ತಾನ ತಂಡದ ಗೆಲುವಿನ ಓಟ

7
ಅಂಧರ ಚೊಚ್ಚಲ ಟಿ-20 ವಿಶ್ವಕಪ್: ವಿಂಡೀಸ್ ತತ್ತರ

ಪಾಕಿಸ್ತಾನ ತಂಡದ ಗೆಲುವಿನ ಓಟ

Published:
Updated:

ಬೆಂಗಳೂರು: ಮಹಮ್ಮದ್ ಅಕ್ರಮ್ (264, 85 ಎಸೆತ) ಅವರ ವಿಶ್ವದಾಖಲೆಯ ದ್ವಿಶತಕದ ನೆರವಿನಿಂದ ಪಾಕಿಸ್ತಾನ ತಂಡ ಅಂಧರ ಚೊಚ್ಚಲ ವಿಶ್ವಕಪ್ ಟಿ-20 ಕ್ರಿಕೆಟ್ ಟೂರ್ನಿಯ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡವನ್ನು ಮಣಿಸಿತು.



ನೆಲಮಂಗಲದ ಬಳಿಯಿರುವ ಆದಿತ್ಯ ಗ್ಲೋಬಲ್ ಶಾಲಾ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಪಾಕಿಸ್ತಾನದ ಬ್ಯಾಟ್ಸ್‌ಮನ್‌ಗಳ ವಿಂಡೀಸ್ ತಂಡದ ಬೌಲರ್‌ಗಳ ಬೆವರಿಳಿಸಿದರು. ಈ ತಂಡ ನಿಗದಿತ 20 ಓವರ್‌ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 366 ರನ್‌ಗಳನ್ನು ಕಲೆ ಹಾಕಿತು. ಆದರೆ, ಇದಕ್ಕೆ ದಿಟ್ಟ ಉತ್ತರ ನೀಡುವಲ್ಲಿ ವಿಂಡೀಸ್ ಪರದಾಡಿತು. ವಿಂಡೀಸ್ ಪಡೆ 20 ಓವರ್‌ಗಳಲ್ಲಿ ಎಂಟು ವಿಕೆಟ್ ನಷ್ಟಕ್ಕೆ ಗಳಿಸಿದ್ದು 166 ರನ್ ಮಾತ್ರ.



ಪಾಕ್ ತಂಡಕ್ಕೆ ಈ ವಿಶ್ವಕಪ್‌ನಲ್ಲಿ ಒಲಿದ ಸತತ ಮೂರನೇ ಗೆಲುವು ಇದು. ಸೋಮವಾರದ ಇಂಗ್ಲೆಂಡ್ ವಿರುದ್ಧ 36 ಎಸೆತಗಳಲ್ಲಿ ಶತಕ ಗಳಿಸಿದ್ದ ಭಾರತದ ಅಜಯ್ ರೆಡ್ಡಿ ಅವರ ದಾಖಲೆಯನ್ನು ಅಕ್ರಮ್ ಮುರಿದು ಹಾಕಿದರು. ಟಿ-20 ಕ್ರಿಕೆಟ್‌ನಲ್ಲಿ ದಾಖಲಾದ ವೈಯಕ್ತಿಕ ಗರಿಷ್ಠ ಮೊತ್ತ ಇದಾಗಿದೆ. ಇತರ ಪಂದ್ಯಗಳಲ್ಲಿ ಶ್ರೀಲಂಕಾ ತಂಡವು ಆಸ್ಟ್ರೇಲಿಯಾ ಮೇಲೂ, ಇನ್ನೊಂದು ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡವು ನೇಪಾಳ ವಿರುದ್ಧವೂ 186 ರನ್‌ಗಳ ಗೆಲುವು ಸಾಧಿಸಿತು. ಉದ್ಯಾನನಗರಿಯಲ್ಲಿ ಸತತ ಮಳೆ ಸುರಿದ ಕಾರಣ ಬಾಂಗ್ಲಾದೇಶ ಮತ್ತು ಇಂಗ್ಲೆಂಡ್ ತಂಡಗಳ ನಡುವಿನ ಪಂದ್ಯ ನಡೆಯಲಿಲ್ಲ.



ಸಂಕ್ಷಿಪ್ತ ಸ್ಕೋರು: ಪಾಕಿಸ್ತಾನ 20 ಓವರ್‌ಗಳಲ್ಲಿ 5 ವಿಕೆಟ್‌ಗೆ 366 (ಮಹಮ್ಮದ್ ಅಕ್ರಮ್ 264, ಮಹಮ್ಮದ್ ಜಾಫರ್ 50, ಅಲಿ ಮೂರ್ತುಜಾ 22; ಜಾಸೊನ್ ರಿಕೆಟ್ಸ್ 37ಕ್ಕೆ3. ವೆಸ್ಟ್ ಇಂಡೀಸ್ 20 ಓವರ್‌ಗಳಲ್ಲಿ 8 ವಿಕೆಟ್‌ಗೆ 166. ಫಲಿತಾಂಶ: ಪಾಕಿಸ್ತಾನಕ್ಕೆ 200 ರನ್‌ಗಳ ಗೆಲುವು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry