ಪಿ.ಜೆ. ಕ್ರೌಲಿ ರಾಜೀನಾಮೆ

ವಾಷಿಂಗ್ಟನ್ (ಪಿಟಿಐ): ವಿಕಿಲೀಕ್ಸ್‌ಗೆ ರಹಸ್ಯ ಮಾಹಿತಿಗಳನ್ನು ಒದಗಿಸಿದ ಆರೋಪಿಯನ್ನು ಪೆಂಟಗಾನ್ ಸರ್ಕಾರ ನಡೆಸಿಕೊಳ್ಳುತ್ತಿರುವ ರೀತಿ ‘ಹಾಸ್ಯಾಸ್ಪದ ಮತ್ತು ಅವಿವೇಕತನದ್ದು’ ಎಂದು ಶನಿವಾರ ಟೀಕಿಸಿದ್ದ ಅಮೆರಿಕ ರಾಜ್ಯ ಇಲಾಖೆ ವಕ್ತಾರ ಫಿಲಿಪ್ ಜೆ ಕ್ರೌಲಿ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.



‘ನನ್ನ ಹೇಳಿಕೆಯಿಂದ ಉಂಟಾದ ಪರಿಣಾಮಗಳ ಹೊಣೆ ಹೊತ್ತು ರಾಜೀನಾಮೆ ನೀಡಿದ್ದೇನೆ. ರಾಜ್ಯ ಇಲಾಖೆ ವಕ್ತಾರ ಮತ್ತು ಸಾರ್ವಜನಿಕ ವ್ಯವಹಾರಗಳ ಸಹಾಯಕ ಕಾರ್ಯದರ್ಶಿಗೆ ರಾಜೀನಾಮೆ ಪತ್ರ ಸಲ್ಲಿಸಿದ್ದೇನೆ’ ಎಂದು ಹೇಳಿಕೆಯಲ್ಲಿ ಅವರು ತಿಳಿಸಿದ್ದಾರೆ.