ಭಾನುವಾರ, ಮೇ 22, 2022
22 °C

ಪ್ರವಾಹದ ಅಲೆಯಲ್ಲಿ ತೇಲಿದ ಸಾಹಸಿ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಪ್ರವಾಹದ ಅಲೆಯಲ್ಲಿ ತೇಲಿದ ಸಾಹಸಿ!

ಶಿವಮೊಗ್ಗ: ನಗರದ ಸಾಹಸಿ ಅ.ನಾ.ವಿಜಯೇಂದ್ರರಾವ್ ಈಚೆಗೆ ಸುರಿಯುವ ಮಳೆಯಲ್ಲಿ, ಪ್ರವಾಹದ ಅಲೆಯಲ್ಲಿ ತುಂಗಾ ನದಿಯಲ್ಲಿ ಕೆಲಕಾಲ ತೇಲಿದರು.



ನಗರದ ಬೈಪಾಸ್ ರಸ್ತೆ ಸೇತುವೆ ಬಳಿಯಿಂದ ಗಾಳಿ ತುಂಬಿದ ಟ್ಯೂಬ್‌ನಲ್ಲಿ ತೇಲಿ ಬಂದ ಅವರು, ಬೆಕ್ಕಿನಕಲ್ಮಠದ ಬಳಿ ದಡ ಹತ್ತಿದರು.



`ಹಿಂದಿಗಿಂತ ಈ ಬಾರಿ ತುಂಗೆ ರಭಸದಿಂದ ಹರಿಯುತ್ತಿದ್ದು, ನದಿಯ ದಡದ ಪಕ್ಕದಲ್ಲಿ ವಾಸಿಸುವ ಜನರು ಈಗಲೇ ಎಚ್ಚರಿಕೆ ವಹಿಸಿದರೆ ಒಳ್ಳೆಯದು. ನೀರಿನ ಸೆಳೆತಕ್ಕೆ ಈ ಬಾರಿ ಹೊಸ ಸೇತುವೆಯಿಂದ ಮಂಟಪಕ್ಕೆ ಬರಲಾಗದೆ ಬೆಕ್ಕಿನಕಲ್ಮಠಕ್ಕೆ ಹೋಗಿ ದಡ ಸೇರಬೇಕಾಯಿತು' ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.



`ನದಿಪಾತ್ರದಲ್ಲಿ ಅತಿಯಾದ ಮರಳುಗಾರಿಕೆ ಮಾಡಿರುವುದು. ಅಲ್ಲಿರುವ ಬಂಡೆಕಲ್ಲುಗಳನ್ನು ಸ್ಫೋಟಿಸಿರುವುದರಿಂದ ನದಿ ಈಗ ಬಹಳ ವೇಗವಾಗಿ ಹರಿಯುತ್ತಿದೆ. ನದಿಗೆ ಯಾರೇ ಇಳಿಯಬೇಕಾದರೆ ಸುರಕ್ಷಿತ ಕ್ರಮಗಳನ್ನು ಕೈಗೊಂಡೇ ಇಳಿಯಬೇಕು. ಈ ಬಗ್ಗೆ ಜಾಗೃತಿ ಮೂಡಿಸುವ ದೃಷ್ಟಿಯಿಂದ ಈ ಬಾರಿ ತೇಲಿ ಬಂದೆ' ಎನ್ನುತ್ತಾರೆ ಅವರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.