ಫಾರ್ಮುಲಾ ಒನ್: ನಿಕೊ ಹಕೆನ್‌ಬರ್ಗ್‌ಗೆ ಆರನೇ ಸ್ಥಾನ

7

ಫಾರ್ಮುಲಾ ಒನ್: ನಿಕೊ ಹಕೆನ್‌ಬರ್ಗ್‌ಗೆ ಆರನೇ ಸ್ಥಾನ

Published:
Updated:

ಯಾಂಗಮ್, ದಕ್ಷಿಣ ಕೊರಿಯ (ಪಿಟಿಐ): ಫೋರ್ಸ್ ಇಂಡಿಯಾ ತಂಡದ ನಿಕೊ ಹಕೆನ್‌ಬರ್ಗ್ ಭಾನುವಾರ ನಡೆದ ಕೊರಿಯನ್ ಗ್ರ್ಯಾನ್ ಪ್ರಿ ಫಾರ್ಮುಲಾ ಒನ್ ರೇಸ್‌ನಲ್ಲಿ ಆರನೇ ಸ್ಥಾನ ಪಡೆದರು. ಈ ಮೂಲಕ ತಮ್ಮ ತಂಡಕ್ಕೆ ಎಂಟು ಪಾಯಿಂಟ್ ತಂದುಕೊಟ್ಟರು.



ಇದೇ ತಂಡದ ಇನ್ನೊಬ್ಬ ಚಾಲಕ ಪೌಲ್ ಡಿ ರೆಸ್ಟಾ 12ನೇ ಸ್ಥಾನ ಪಡೆದು ಪಾಯಿಂಟ್ ಗಿಟ್ಟಿಸಲು ವಿಫಲರಾದರು. ಫೋರ್ಸ್ ಇಂಡಿಯಾ ತಂಡ ಒಟ್ಟು 89 ಪಾಯಿಂಟ್‌ಗಳೊಂದಿಗೆ ಏಳನೇ ಸ್ಥಾನದಲ್ಲಿದೆ.



ವೆಟೆಲ್‌ಗೆ ಅಗ್ರಸ್ಥಾನ: ರೆಡ್‌ಬುಲ್ ತಂಡದ ಸೆಬಾಸ್ಟಿಯನ್ ವೆಟೆಲ್ ಈ ರೇಸ್ ಗೆದ್ದುಕೊಂಡರು. ಇದೇ ತಂಡದ ಮಾರ್ಕ್ ವೆಬೆರ್‌ಎರಡನೇ ಸ್ಥಾನ ಪಡೆದರೆ, ಫೆರಾರಿ ತಂಡದ ಫೆರ್ನಾಂಡೊ ಅನೊಲ್ಸೊ ಮೂರನೆಯವರಾಗಿ ಸ್ಪರ್ಧೆ ಕೊನೆಗೊಳಿಸಿದರು.



ಈ ಗೆಲುವಿನ ಮೂಲಕ ವೆಟೆಲ್ (215 ಪಾಯಿಂಟ್) ಫೆರಾರಿ ತಂಡದ ಅಲೊನ್ಸೊ (209) ಅವರನ್ನು ಹಿಂದಿಕ್ಕಿ ಅಗ್ರಸ್ಥಾನಕ್ಕೇರಿದ್ದಾರೆ. 



ಫೋರ್ಸ್ ಇಂಡಿಯಾ ತೊರೆಯಲಿರುವ ಹಕೆನ್‌ಬರ್ಗ್? (ಐಎಎನ್‌ಎಸ್): ಪ್ರಸಕ್ತ ಋತುವಿನಲ್ಲಿ ಉತ್ತಮ ಪ್ರದರ್ಶನ ನೀಡಿರುವ ಹಕೆನ್‌ಬರ್ಗ್ 2013 ರಲ್ಲಿ ಸೌಬೆರ್ ತಂಡವನ್ನು ಸೇರಲಿದ್ದಾರೆ ಎಂದು ಬಿಸಿಸಿ ವರದಿ ಮಾಡಿದೆ. `ಸೌಬೆರ್ ಈ ಬಗ್ಗೆ ಅಧಿಕೃತವಾಗಿ ಏನನ್ನೂ ಹೇಳಿಲ್ಲ. ಆದರೆ ಹಕೆನ್‌ಬರ್ಗ್ ಜೊತೆ ಮಾತುಕತೆ ನಡೆದಿದೆ~ ಎಂದು ವರದಿ ತಿಳಿಸಿದೆ. ಈ ಹಿಂದೆ ಫೋರ್ಸ್ ಇಂಡಿಯಾ ತಂಡದಲ್ಲಿದ್ದ ಅಡ್ರಿಯಾನ್ ಸುಟಿಲ್ ಅವರು ಹಕೆನ್‌ಬರ್ಗ್ ಸ್ಥಾನವನ್ನು ತುಂಬಲಿದ್ದಾರೆ ಎಂಬ ಮಾತುಗಳೂ ಕೇಳಿಬರುತ್ತಿವೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry