ಗುರುವಾರ , ಅಕ್ಟೋಬರ್ 17, 2019
27 °C

ಫಿಲಿಪ್ಪೀನ್ಸ್‌ನಲ್ಲಿ ಭೂಕುಸಿತ: 25 ಮಂದಿ ಸಾವು

Published:
Updated:

ಪಂಟುಕನ್ (ಎಎಫ್‌ಪಿ): ದಕ್ಷಿಣ ಫಿಲಿಪ್ಪೀನ್ಸ್‌ನಲ್ಲಿ ಗುರುವಾರ ಸಂಭವಿಸಿದ ಭೂ ಕುಸಿತದಲ್ಲಿ ಕನಿಷ್ಠ 25 ಜನ ಮೃತಪಟ್ಟು 100 ಜನ ಕಣ್ಮರೆಯಾಗಿದ್ದಾರೆ. ಚಿನ್ನ ಶೋಧಕರು ಭೂಕುಸಿತದಲ್ಲಿ ಸಿಲುಕಿ ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.



ಮಿಂದನೊವಾ ದ್ವೀಪದಿಂದ ದೂರದ ಗುಡ್ಡಗಾಡು ಪ್ರದೇಶದಲ್ಲಿ ಈ ದುರ್ಘಟನೆ ಸಂಭವಿಸಿದ್ದು, ಈ ಪ್ರದೇಶದಲ್ಲಿ ಯಾವಾಗಲೂ ಭೂಕುಸಿತವಾಗುತ್ತಿರುವ ಹಿನ್ನೆಲೆಯಲ್ಲಿ ಕಳೆದ ವರ್ಷವೇ ಇದನ್ನು ಅಪಾಯಕಾರಿ ಸ್ಥಳ ಎಂದು ಘೋಷಿಸಲಾಗಿತ್ತು. ಆದರೆ ವಲಸಿಗರು ಈ ಎಚ್ಚರಿಕೆಯನ್ನು ಕಡೆಗಣಿಸಿದ್ದರಿಂದ ಈ ದುರ್ಘಟನೆ ಸಂಭವಿಸಿದೆ ಎಂದಿದ್ದಾರೆ.



ರಕ್ಷಣಾ ಕಾರ್ಯ ಚುರುಕುಗೊಳಿಸಲು ದೊಡ್ಡ ಸಾಧನಗಳನ್ನು ನೀಡುವಂತೆ  ಪ್ರಾಂತ್ಯದ ಸರ್ಕಾರ ಮತ್ತು ಸ್ಥಳೀಯ ಗಣಿ ಉದ್ಯಮಿಗಳನ್ನು ಕೋರಲಾಗಿದೆ. ಗ್ರಾಮದ ಅಧಿಕಾರಿಗಳ ಹೇಳಿಕೆ ಆಧರಿಸಿ ನಾಪತ್ತೆಯಾದವರ ಸಂಖ್ಯೆಯನ್ನು ಪ್ರಕಟಿಸಲಾಗಿದೆ.



ಪಂಟುಕನ್ ಮತ್ತು ಸಮೀಪದ ಮಂಕೊಯೊ ಪಟ್ಟಣ ಸಾವಿರಾರು ಜನ ಚಿನ್ನ ಶೋಧಕರನ್ನು ಆಕರ್ಷಿಸುತ್ತಿದೆ ಮತ್ತು ಈ ಗುಡ್ಡಗಾಡು ಪ್ರದೇಶದಲ್ಲಿ ಅನಧಿಕೃತ ಗಣಿಗಾರಿಕೆ ನಡೆಯುತ್ತಿದ್ದರಿಂದ ಸರಣಿ ದುರಂತಗಳು ಸಂಭವಿಸುತ್ತಲೇ ಇವೆ.

Post Comments (+)