ಫೆ.7ರಿಂದ ಗಂಗಾಮತಸ್ಥರ ಬೃಹತ್‌ ಸಮಾವೇಶ

7

ಫೆ.7ರಿಂದ ಗಂಗಾಮತಸ್ಥರ ಬೃಹತ್‌ ಸಮಾವೇಶ

Published:
Updated:

ಬೆಂಗಳೂರು: ‘ಕರ್ನಾಟಕ ರಾಜ್ಯ ನಿಜಶರಣ ಅಂಬಿಗರ ಚೌಡಯ್ಯನವರ ಸಮಾಜ ಅಧ್ಯಯನ ಅಕಾಡೆಮಿಯ ವತಿಯಿಂದ ಫೆ. 7 ರಿಂದ ಮೂರು ದಿನಗಳು ಗಂಗಾಮತಸ್ಥರನ್ನು ಒಂದು­ಗೂಡಿ­ಸಲು ಗುಲ್ಬರ್ಗ ಜಿಲ್ಲೆಯ ಯಾನಾಗುಂದಿಯ ಸುಕ್ಷೇತ್ರದಲ್ಲಿ ರಾಜ್ಯಮಟ್ಟದ ಬೃಹತ್‌ ಸಮಾವೇಶ­ವನ್ನು ಆಯೋಜಿಸಲಾಗಿದೆ’ ಎಂದು ಜವಳಿ, ಬಂದರು ಮತ್ತು ಒಳನಾಡು ಖಾತೆ ಸಚಿವ ಬಾಬುರಾವ್‌ ಚಿಂಚನಸೂರು ಹೇಳಿದರು.



ಶನಿವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ರಾಜ್ಯದಲ್ಲಿ ಅಂದಾಜು 60 ಲಕ್ಷದಷ್ಟಿರುವ ಗಂಗಾಮತಸ್ಥ ಜನಾಂಗವು ಸಾಮಾ­ಜಿಕ­ವಾಗಿ, ಶೈಕ್ಷಣಿಕವಾಗಿ, ರಾಜ­ಕೀಯ­­ವಾಗಿ ಮತ್ತು ಆರ್ಥಿಕವಾಗಿ ಹಿಂದುಳಿದದ್ದು, ಟೋಕ್ರೆಕೋಳಿ, ಕೋಲಿ, ಕೋಯ ಇತ್ಯಾದಿ ಹೆಸರು­ಗಳಿಂದ ಕರೆಸಿಕೊಂಡು ಹರಿದು ಹಂಚಿಹೋಗಿದೆ’ ಎಂದರು.



‘ಹರಿದು ಹಂಚಿಹೋಗಿರುವ ಗಂಗಾಮತಸ್ಥ ಸಮಾಜವನ್ನು ಒಂದು­ಗೂಡಿಸಲು ಈ ಸಮಾವೇಶ ಸಹಾಯಕ­ವಾಗಲಿದೆ’ ಎಂದು ಅಭಿಪ್ರಾಯಪಟ್ಟರು.



‘ಕಾರ್ಯಕ್ರಮವನ್ನು ಮುಖ್ಯ­ಮಂತ್ರಿ ಸಿದ್ದರಾಮಯ್ಯ ಅವರು ಉದ್ಘಾಟಿ­ಸಲಿದ್ದು, ಕೇಂದ್ರ ಸಚಿವ­ರಾದ ವೀರಪ್ಪ ಮೊಯಿಲಿ, ಮಲ್ಲಿ­ಕಾರ್ಜುನ ಖರ್ಗೆ ಮತ್ತಿತರರು ಭಾಗವಹಿಸಲಿದ್ದಾರೆ’ ಎಂದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry