ಬಿಳಿಕೂದಲು ಆರೋಗ್ಯವಂತ ಮನುಷ್ಯರ ಲಕ್ಷಣ...!

ಬುಧವಾರ, ಜೂಲೈ 17, 2019
29 °C

ಬಿಳಿಕೂದಲು ಆರೋಗ್ಯವಂತ ಮನುಷ್ಯರ ಲಕ್ಷಣ...!

Published:
Updated:

ಲಂಡನ್ (ಪಿಟಿಐ):  ಬಾಲಕರಾಗಿದ್ದಾಗ ತಲೆಗೂದಲು ಬೆಳ್ಳಗಾದರೆ ಅದನ್ನು ಬಾಲ ನೆರೆ ಎನ್ನುತ್ತಾರೆ. ವಯಸ್ಸಾದ ಮೇಲೆ ತಲೆಕೂದಲು ಬೆಳ್ಳಗಾದರೆ, ಅವರಿಗೆ `ಹಿರಿಯ ವ್ಯಕ್ತಿತ್ವ~ದ ಗೌರವ. ಆದರೆ ಯೌವನದಲ್ಲಿ ಬಿಳಿಕೂದಲು ಕಂಡರೆ... ?



`ಅಯ್ಯೋ, ಇವರಿಗೆ ವಯಸ್ಸಾಯ್ತು~ ಅಂತ ಮೂದಲಿಸಬೇಡಿ. ಏಕೆಂದರೆ ತಲೆಯಲ್ಲಿ ಬಿಳಿಕೂದಲು ಇದ್ದರೆ ಅದು ಆರೋಗ್ಯವಂತ ಮನುಷ್ಯರ ಲಕ್ಷಣ ಎಂದು ಸಂಶೋಧನೆ  ತಿಳಿಸಿದೆ.  



ಇತ್ತೀಚೆಗೆ ಸ್ಪೇನ್ ವಿಜ್ಞಾನಿಗಳು `ಬಿಳಿ ಕೂದಲು ಮತ್ತು ಆರೋಗ್ಯವಂತ ಲಕ್ಷಣ~ ಕುರಿತು ಸಂಶೋಧನೆ ನಡೆಸಿದ್ದಾರೆ. ಬೂದುಬಣ್ಣದ ಕೂದಲುಗಳನ್ನು ಹೊಂದಿರುವ ಕಾಡು ಹಂದಿಗಳನ್ನು ಅಧ್ಯಯನಕ್ಕಾಗಿ ಆಯ್ಕೆ ಮಾಡಿಕೊಂಡಿದ್ದರು. ಅಂಥ ಹಂದಿಗಳು ಹೆಚ್ಚು ಆರೋಗ್ಯವಾಗಿರುವುದನ್ನು ದಾಖಲಿಸಿದ್ದಾರೆ.



ದೇಹದಲ್ಲಿ `ಮೆಲನಿನ್~ ಅಂಶ ಕಡಿಮೆಯಾದಾಗ ತಲೆಕೂದಲು ಬೆಳ್ಳಗಾಗುತ್ತದೆ ಎಂಬುದು ವೈಜ್ಞಾನಿಕ ಕಾರಣ. ಅದೇ ರೀತಿ ಅಧ್ಯಯನಕ್ಕೊಳಪಟ್ಟ ಕಾಡುಹಂದಿಗಳ ದೇಹದಲ್ಲಿ `ಮೆಲನಿನ್~ ಅಂಶ ಕಡಿಮೆ ಇತ್ತು.



ಆದ್ದರಿಂದಲೇ ಅವುಗಳ ಕೂದಲು ಬೂದುಬಣ್ಣದಲ್ಲಿದ್ದವು. ಜೊತೆಗೆ ಅವುಗಳ ಆರೋಗ್ಯವೂ ಉತ್ತಮವಾಗಿತ್ತು~ ಎಂದು ಸಂಶೋಧಕರು ಸಂಶೋಧನೆಯ ಫಲಿತಾಂಶವನ್ನು ಸಮರ್ಥಿಸಿಕೊಂಡಿದ್ದಾರೆ.



ಸ್ಪೇನ್‌ನ ಮ್ಯುಸಿಯೊ ನ್ಯಾಷನಲ್ ದಿ ಸೈನ್ಸಸ್ ನ್ಯಾಚುರಲ್ಸ್ ಸಂಸ್ಥೆಯ ಸಂಶೋಧಕ ಇಸ್ಮಾಯಿಲ್ ಗಾಲ್ವಾನ್ ಮತ್ತು ತಂಡ ಈ ಸಂಶೋಧನೆ ನಡೆಸಿದೆ.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry