ಬಿಹಾರ ಪೊಲೀಸರಿಂದ ಸಾಮೂಹಿಕ ರಜೆ ಬೆದರಿಕೆ

7

ಬಿಹಾರ ಪೊಲೀಸರಿಂದ ಸಾಮೂಹಿಕ ರಜೆ ಬೆದರಿಕೆ

Published:
Updated:

ಪಟ್ನಾ (ಐಎಎನ್‌ಎಸ್): ವೇತನ ಹೆಚ್ಚಳ ಸೇರಿದಂತೆ ತಮ್ಮ ವಿವಿಧ ಬೇಡಿಕೆಗಳ ಈಡೇರಿಕೆ ಆಗ್ರಹಿಸಿ ಅಕ್ಟೋಬರ್ 10 ರಿಂದ 5 ದಿನಗಳ ಕಾಲ ಸಾಮೂಹಿಕ ರಜೆ ಮೇಲೆ ತೆರಳುವ ಬೆದರಿಕೆ ಒಡ್ಡಿರುವ ಬಿಹಾರದ ಸುಮಾರು 65,000 ಪೊಲೀಸ್ ಪೇದೆಗಳು ಭಾನುವಾರ ತಮ್ಮ `ಬಿಹಾರ್ ಪೊಲೀಸರ ಸಂಘ~ದಿಂದ (ಬಿಪಿಎ) ಸಹಿ ಸಂಗ್ರಹ ಅಭಿಯಾನ ಆರಂಭಿಸಿದ್ದಾರೆ.



ಇತರೆ ರಾಜ್ಯಕ್ಕಿಂತ 2000 ರೂಪಾಯಿ ವೇತನ ಹೆಚ್ಚಳ, ನಾಲ್ಕು ಪೊಲೀಸ್ ಪೇದೆಗಳಿಗೊಬ್ಬ ಹವಾಲ್ದಾರ್ ನೇಮಕ ಮತ್ತು 12 ಪೊಲೀಸ್ ಪೇದೆಗಳಿಗೊಬ್ಬ ಸಹಾಯಕ ಸಬ್-ಇನ್ಸ್‌ಪೆಕ್ಟರ್ ನೇಮಕ ಮಾಡುವುದು ಸೇರಿದಂತೆ ತನ್ನ ವಿವಿಧ ಬೇಡಿಕೆಗಳನ್ನು ಸರ್ಕಾರ ಈಡೇರಿಸಬೇಕೆಂದು ಬಿಪಿಎ ಆಗ್ರಹಿಸಿದೆ.



`ಸಾಮೂಹಿಕ ರಜೆ ನಿರ್ಧಾರ ಬೆಂಬಲಿಸುವ ನಿಟ್ಟಿನಲ್ಲಿ ರಾಜ್ಯದಾದ್ಯಂತ ಇರುವ ಎಲ್ಲ ಪೊಲೀಸ್ ಸಿಬ್ಬಂದಿ ಸಹಿ ಸಂಗ್ರಹಿಸಲು ನಾವು ಸಹಿ ಪತ್ರಗಳನ್ನು ಒದಗಿಸಿದ್ದೇವೆ~ ಎಂದು ಬಿಪಿಎ ಅಧ್ಯಕ್ಷ ಜಿತೇಂದ್ರ ಕುಮಾರ್ ಸಿಂಗ್ ತಿಳಿಸಿದರು.



ಬೇಡಿಕೆಗಳ ಕುರಿತಂತೆ ಕಳೆದ ವಾರ ಸರ್ಕಾರದ ಜತೆ ನಡೆಸಿದ ಮಾತುಕತೆ ವಿಫಲವಾದ ಹಿನ್ನೆಲೆಯಲ್ಲಿ ಬಿಪಿಎ ಸರ್ಕಾರಕ್ಕೆ ಸಾಮೂಹಿಕ ರಜೆಯ ಬೆದರಿಕೆ ಒಡ್ಡಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry