ಬೆನಜೀರ್ ಹತ್ಯೆ: ಮುಷರಫ್ ವಿರುದ್ಧ ದೋಷಾರೋಪ

5

ಬೆನಜೀರ್ ಹತ್ಯೆ: ಮುಷರಫ್ ವಿರುದ್ಧ ದೋಷಾರೋಪ

Published:
Updated:

ಇಸ್ಲಾಮಾಬಾದ್ (ಪಿಟಿಐ): ಪಾಕಿಸ್ತಾನದ ಮಾಜಿ ಪ್ರಧಾನಿ ಬೆನಜೀರ್ ಭುಟ್ಟೋ ಹತ್ಯೆ ಪ್ರಕರಣದಲ್ಲಿ ಷಾಮೀಲಾದ ಶಂಕೆ ಆರೋಪಕ್ಕೆ ತುತ್ತಾದವರ ವಿಚಾರಣೆ ನಡೆಸುತ್ತಿರುವ ಭಯೋತ್ಪಾದನಾ ನಿಗ್ರಹ ನ್ಯಾಯಾಲಯದಲ್ಲಿ ಸಲ್ಲಿಸಲಾದ ಮಧ್ಯಂತರ ದೋಷಾರೋಪ ಪಟ್ಟಿಯಲ್ಲಿ ರಾಷ್ಟ್ರದ ಮಾಜಿ ಅಧ್ಯಕ್ಷ  ಪರ್ವೇಜ್ ಮುಷರಫ್ ಅವರನ್ನು  ಆರೋಪಿಯಾಗಿ ಸೋಮವಾರ ಹೆಸರಿಸಲಾಗಿದೆ.



2009ರ ಆದಿಯಿಂದ ಬ್ರಿಟನ್ ನಲ್ಲಿ ನೆಲೆಸಿರುವ ಮುಷರಫ್ ಅವರನ್ನು, ರಾವಲ್ಪಿಂಡಿಯ ಭಯೋತ್ಪಾದನಾ ನಿಗ್ರಹ ನ್ಯಾಯಾಲಯಕ್ಕೆ  ಫೆಡರಲ್ ತನಿಖಾ ಸಂಸ್ಥೆಯು ಸಲ್ಲಿಸಿದ ಮಧ್ಯಂತರ ದೋಷಾರೋಪ ಪಟ್ಟಿಯಲ್ಲಿ  ಆರೋಪಿಯಾಗಿ ಹೆಸರಿಸಲಾಗಿದೆ ಎಂದು ರಾಷ್ಟ್ರೀಯ ಟಿವಿ ವರದಿ ಮಾಡಿದೆ.



ಆದರೆ ಈ ಬೆಳವಣಿಗೆ ಬಗ್ಗೆ ಸರ್ಕಾರ ಅಧಿಕೃತವಾಗಿ ಏನನ್ನೂ ಹೇಳಿಲ್ಲ.



ಭುಟ್ಟೋ ಹತ್ಯ ಪ್ರಕರಣದ ಬಗ್ಗೆ ತನಿಖೆ ನಡೆಸಿದ ವಿಶ್ವಸಂಸ್ಥೆ ಆಯೋಗದ ವರದಿಯೊಂದು ಮಾಜಿ ಪ್ರಧಾನಿಗೆ ಸೂಕ್ತ ಭದ್ರತೆ ಒದಗಿಸಲು  ಅಗತ್ಯ ಕ್ರಮ ಕೈಗೊಳ್ಳುವಲ್ಲಿ ವಿಫಲವಾದುದಕ್ಕಾಗಿ ಮುಷರಫ್ ಅವರನ್ನು ದೂಷಿಸಿತ್ತು.



2007ರ ಡಿಸೆಂಬರ್ ತಿಂಗಳಲ್ಲಿ ರಾವಲ್ಪಿಂಡಿಯಲ್ಲಿ ನಡೆದ ಆತ್ಮಾಹುತಿ ದಾಳಿಯಲ್ಲಿ ಭುಟ್ಟೋ ಹತರಾಗಿದ್ದರು.



ಆಗ ಮುಷರಫ್ ಪಾಕಿಸ್ತಾನದ ಅಧ್ಯಕ್ಷರಾಗಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry