ಬೆಳೆ ಪರಿಹಾರ ನೀಡುವಂತೆ ಒತ್ತಾಯಿಸಿ ಮನವಿ

7

ಬೆಳೆ ಪರಿಹಾರ ನೀಡುವಂತೆ ಒತ್ತಾಯಿಸಿ ಮನವಿ

Published:
Updated:

ಹಟ್ಟಿ ಚಿನ್ನದ ಗಣಿ:  ಲಿಂಗಸಗೂರು ತಾಲ್ಲೂಕಿನ ರೈತರು ಬೆಳೆದ ಸೂರ್ಯ­ಕಾಂತಿ, ಸಜ್ಜೆ, ಎಳ್ಳು ಸೇರಿದಂತೆ ಮುಂತಾದ ಬೆಳೆಗಳು ಅತಿವೃಷ್ಟಿಗೆ ತುತ್ತಾಗಿ ರೈತರು ನಷ್ಟ ಅನುಭವಿ­ಸುತ್ತಿದ್ದಾರೆ. ಕೂಡಲೇ ರೈತರಿಗೆ ಪರಿಹಾರ ನೀಡಬೇಕೆಂದು ಕರ್ನಾಟಕ ರೈತ ಸಂಘದ ಮುಖಂಡರು ಶನಿವಾರ ಹಟ್ಟಿಗೆ ಭೇಟಿ ನೀಡಿದ ಜಿಲ್ಲಾಧಿಕಾರಿ ಎಸ್‌. ಎನ್‌. ನಾಗರಾಜು ಅವರನ್ನು ಒತ್ತಾಯಿಸಿ­ದರು.



ರಾಂಪೂರು ಏತನೀರಾವರಿ ಯೋಜನೆ ಕಾಮಗಾರಿಗಳು ಕಳಪೆಯಾಗಿ ಮಳೆಗೆ ಕೊಚ್ಚಿಹೋಗಿವೆ. ಸಂಬಂಧಿಸಿದ ಅಧಿಕಾರಿ­ಗಳ ವಿರುದ್ಧ ಕ್ರಮ ಜರುಗಿಸ­ಬೇಕು. ಇದರಿಂದಾಗಿ ಈ ಭಾಗದ ರೈತರ ನೀರಾವರಿ ಕನಸು ನುಚ್ಚು ನೂರಾಗಿದೆ.



ತಾಲ್ಲೂಕಿನಲ್ಲಿ ಲೋಕೋಪಯೋಗಿ ಹಾಗೂ ಜಿಲ್ಲಾ ಪಂಚಾಯಿತಿ ಇಲಾಖೆ ವತಿಯಿಂದ ನಿರ್ಮಿಸಿದ ರಸ್ತೆಗಳು ಒಂದೇ ತಿಂಗಳಲ್ಲಿ ಕಿತ್ತು ಹೋಗಿವೆ.  ಕಳೆದ 3ರಿಂದ 5 ದಶಕಗಳಿಂದ ಸಾಗುವಳಿ ಮಾಡುತ್ತಿರುವ ಅತೀ ಸಣ್ಣ ರೈತರಿಗೆ ಪಟ್ಟಾ ನೀಡಬೇಕು. ತಾಲ್ಲೂಕಿನಲ್ಲಿ ನಡೆಯುತ್ತಿರುವ ಅಕ್ರಮ ಗ್ರ್ಯಾನೈಟ್ ಗಣಿಗಾರಿಕೆ ತಡೆಯಬೇಕು. 



ಯುಕೆಪಿ­ಯಲ್ಲಿ ರೈತರಿಂದ ಸ್ವಾಧೀನ ಪಡೆಸಿಕೊಂಡ  400 ಎಕರೆ ಭೂಮಿ ಪಾಳು ಬಿದ್ದಿದೆ. ಸಾಗುವಳಿಗೆ ಅನುಕೂಲ ಮಾಡಿ­ಕೊಡ­ಬೇಕು. ಉದ್ಯೋಗ ಖಾತರಿ ಯೋಜನೆ ಸರಿಯಾಗಿ ಅನುಷ್ಠಾನ­ಗೊಳದ ಕಾರಣ ಕೃಷಿ ಕೂಲಿಕಾರರು ಗುಳೆ ಹೋಗು­ತ್ತಿದ್ದಾರೆ. ಇದನ್ನು ತಡೆಯಲು ಕ್ರಮ ಜರುಗಿಸಬೇಕೆಂಬ ಹಲವು ಬೇಡಿಕೆ­ಗಳ ಮನವಿಯನ್ನು ಸಲ್ಲಿಸಲಾ­ಯಿತು.



ಸಂಘದ ಅಧ್ಯಕ್ಷ ಬಸವರಾಜ ನಗನೂರು, ಹನುಮಂತ ಗಲಗ, ಚಿನ್ನಪ್ಪ ಕೊಟ್ರಕಿ, ಗೂಳಪ್ಪ ಜಾವಗಲ್‌, ಸಿದ್ದರಾಮ ದೇವತಗಲ್‌, ಬಾಬು ಭೂಪೂರ, ಶಿವಪ್ಪ ಮ್ಯಾಗೇರಿ, ರೇವಣ ಸಿದ್ದಪ್ಪ ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry