ಬೋಧನಾ ಶುಲ್ಕ ಪರಿಷ್ಕರಣೆ ಆದೇಶಕ್ಕೆ ಆಕ್ರೋಶ

7

ಬೋಧನಾ ಶುಲ್ಕ ಪರಿಷ್ಕರಣೆ ಆದೇಶಕ್ಕೆ ಆಕ್ರೋಶ

Published:
Updated:

ಶಿವಮೊಗ್ಗ: ಮೆಟ್ರಿಕ್ ನಂತರದ ವಿದ್ಯಾರ್ಥಿಗಳ ಬೋಧನಾ ಶುಲ್ಕ ಪರಿಷ್ಕರಿಸಿದ ರಾಜ್ಯ ಸರ್ಕಾರದ ಕ್ರಮವನ್ನು ಖಂಡಿಸಿ ಎನ್‌ಎಸ್‌ಯುಐ ಕಾರ್ಯಕರ್ತರು ಮಂಗಳವಾರ ನಗರದ ಡಿವಿಎಸ್ ಕಾಲೇಜು ಎದುರು ರಸ್ತೆತಡೆ ನಡೆಸಿದರು.



ಈ ಹಿಂದೆ ಆದಾಯ ಪ್ರಮಾಣಪತ್ರ ಸಲ್ಲಿಸುವ ಪ್ರವರ್ಗ 1, 2ಎ, 3ಎ ಹಾಗೂ 3ಬಿ ವರ್ಗದ ವಿದ್ಯಾರ್ಥಿಗಳಿಗೆ ಸರ್ಕಾರ ಬೋಧನಾ ಶುಲ್ಕ ವಿನಾಯ್ತಿ ನೀಡುತ್ತಿತ್ತು. ಕಾಲೇಜು ಪ್ರವೇಶದ ಸಂದರ್ಭದಲ್ಲಿಯೇ ಬೋಧನಾ ಶುಲ್ಕ ವಿನಾಯ್ತಿ ಸೌಲಭ್ಯ ಕಲ್ಪಿಸಲಾಗುತ್ತಿತ್ತು.



ಈ ಶುಲ್ಕವನ್ನು ಸರ್ಕಾರ ಪಾವತಿಸುತ್ತಿತ್ತು. ಇದರಿಂದ ಬಡವರ್ಗದ ವಿದ್ಯಾರ್ಥಿಗಳಿಗೆ ಅನುಕೂಲವಾಗುತ್ತಿತ್ತು ಎಂದು ಪ್ರತಿಭಟನಾಕಾರರು ತಿಳಿಸಿದರು. ಈಚೆಗೆ ಬೋಧನಾ ಶುಲ್ಕ ಪಾವತಿ ವಿಧಾನ ಪರಿಷ್ಕರಿಸಿ ಸರ್ಕಾರ ಆದೇಶ ಹೊರಡಿಸಿದೆ. ಈ ಪ್ರಕಾರ ಆದಾಯ ಪ್ರಮಾಣಪತ್ರ ಸಲ್ಲಿಸುವ ವಿದ್ಯಾರ್ಥಿಗಳು ಕೂಡ ಬೋಧನಾ ಶುಲ್ಕ ಪಾವತಿಸಬೇಕಿದೆ. ಈ ಹಣವನ್ನು ವಿದ್ಯಾರ್ಥಿಗಳ ಬ್ಯಾಂಕ್ ಖಾತೆಗೆ ಸಂದಾಯ ಮಾಡುವ ಮೂಲಕ ಮರುಪಾವತಿ ಮಾಡುವುದಾಗಿ ರಾಜ್ಯ ಸರ್ಕಾರ ತಿಳಿಸಿದೆ ಎಂದರು.



 ಪ್ರತಿಭಟನೆಯ ನೇತೃತ್ವವನ್ನು ಶಿವಮೊಗ್ಗ-ಚಿಕ್ಕಮಗಳೂರು ಎನ್‌ಎಸ್‌ಯುಐ ಅಧ್ಯಕ್ಷ ಸಿ.ಜಿ. ಮಧುಸೂದನ್,  ಪ್ರಧಾನ ಕಾರ್ಯದರ್ಶಿ ಚೇತನ್, ನಗರಾಧ್ಯಕ್ಷ ಶ್ರೀಜಿತ್, ಮಧುಶ್ರೀ, ವಿದ್ಯಾ, ಮಂಜುನಾಥ್, ಸಂತೋಷ್, ಗುರುಮೂರ್ತಿ, ವಿನೋದ್, ಕಿರಣ್, ಅನಿಲ್‌ಅನಿಲ್ ವಹಿಸಿದ್ದರು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry