ಗುರುವಾರ , ನವೆಂಬರ್ 14, 2019
22 °C

ಭಾರತದಲ್ಲಿ ಕ್ರಿಕೆಟ್‌ಗೆ ಯಾವತ್ತಿಗೂ ಅಗ್ರಸ್ಥಾನ: ಕ್ರಿಸ್ ಬಾಷ್

Published:
Updated:

ಮುಂಬೈ (ಪಿಟಿಐ): `ಭಾರತದಲ್ಲಿ ಇತರ ಕ್ರೀಡೆಗಳ ಜೊತೆಗೆ ಬ್ಯಾಸ್ಕೆಟ್‌ಬಾಲ್ ಕೂಡಾ ಜನಪ್ರಿಯತೆ ಪಡೆಯಲಿದೆ. ಆದರೆ, ಕ್ರಿಕೆಟ್ ಯಾವಾಗಲೂ ಅಗ್ರಸ್ಥಾನದಲ್ಲಿರುತ್ತದೆ' ಎಂದು ಖ್ಯಾತ ವೃತ್ತಿಪರ ಎನ್‌ಬಿಎ ಆಟಗಾರ ಕ್ರಿಸ್ ಬಾಷ್ ಅಭಿಪ್ರಾಯ ಪಟ್ಟಿದ್ದಾರೆ.



`ಅಮೆರಿಕದಲ್ಲಿ ಫುಟ್‌ಬಾಲ್ ಖ್ಯಾತಿ ಪಡೆದಿರುವಂತೆ ಭಾರತದಲ್ಲಿ ಕ್ರಿಕೆಟ್ ಯಾವಾಗಲೂ ಮೊದಲ ಸ್ಥಾನದಲ್ಲಿಯೇ ಇರುತ್ತದೆ. ಅಮೆರಿಕಾದಲ್ಲೂ ಬ್ಯಾಸ್ಕೆಟ್‌ಬಾಲ್‌ಗಿಂತ ಫುಟ್‌ಬಾಲ್ ಕ್ರೀಡೆಯೇ ಹೆಚ್ಚು ಜನಪ್ರಿಯ. ಭಾರತದಲ್ಲಿ ಕ್ರಿಕೆಟ್‌ನ ಜೊತೆಗೆ ಬೇರೆ ಕ್ರೀಡೆಗಳಿಗೂ ಪ್ರೋತ್ಸಾಹ ನೀಡಿದರೆ, ಆ ಕ್ರೀಡೆಗಳಿಗೂ ಎತ್ತರದ ಸ್ಥಾನ ಲಭಿಸುತ್ತದೆ. ಇದಕ್ಕೆ ಎಲ್ಲರ ಬೆಂಬಲ ಅಗತ್ಯ' ಎಂದು ಅವರು ನುಡಿದರು.



ದೇಶದಲ್ಲಿ ಬ್ಯಾಸ್ಕೆಟ್‌ಬಾಲ್ ಕ್ರೀಡೆಯ ಪ್ರಚಾರಕ್ಕಾಗಿ ಮೊದಲ ಬಾರಿಗೆ ಭಾರತಕ್ಕೆ ಭೇಟಿ ನೀಡಿರುವ ಬಾಷ್, `ಭವಿಷ್ಯದಲ್ಲಿ ಭಾರತದ ಆಟಗಾರರು ಎನ್‌ಬಿಎ ತಂಡದಲ್ಲಿ ಆಡಲಿದ್ದಾರೆ' ಎಂದು ವಿಶ್ವಾಸ ವ್ಯಕ್ತಪಡಿಸಿದರು.



`ಉತ್ತಮ ಅವಕಾಶಗಳು ದೊರೆತಲ್ಲಿ ತಮ್ಮ ಪ್ರತಿಭೆಯನ್ನು ತೋರಿಸುವಂತಹ ಆಟಗಾರರು ಭಾರತದಲ್ಲಿದ್ದಾರೆ. ಒಂದು ವೇಳೆ ಭಾರತದ ಒಬ್ಬ ಆಟಗಾರ ಎನ್‌ಬಿಎನಲ್ಲಿ ಆಡಿದರೂ ಸಾಕು. ಅದನ್ನು ಸಾಕಷ್ಟು ಜನ ವೀಕ್ಷಿಸಿ ಆಕರ್ಷಿತರಾಗುತ್ತಾರೆ. ಈ ನಿಟ್ಟಿನಲ್ಲಿ ಪ್ರಚಾರ ಸತತವಾಗಿ ಮುಂದುವರಿಯುತ್ತದೆ' ಎಂದು ಅವರು ನುಡಿದರು.

ಪ್ರತಿಕ್ರಿಯಿಸಿ (+)