ಭಾರತದಲ್ಲಿ ಚೀನೀ ಭಾಷೆ

7

ಭಾರತದಲ್ಲಿ ಚೀನೀ ಭಾಷೆ

Published:
Updated:
ಭಾರತದಲ್ಲಿ ಚೀನೀ ಭಾಷೆ

ಸೆಂಟ್ರಲ್ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಷನ್ (ಸಿಬಿಎಸ್‌ಸಿ) ಮ್ಯಾಂಡರಿನ್ ಭಾಷಾ ಕಲಿಕೆಯ ಫೌಂಡೇಷನ್ ಕೋರ್ಸ್ ಒಂದನ್ನು ಪ್ರಾರಂಭಿಸಲಿದೆ. 2011-12ರ ಶೈಕ್ಷಣಿಕ ವರ್ಷದಿಂದ ಶುರುವಾಗಲಿರುವ ಈ ಕೋರ್ಸನ್ನು ಏಳನೇ ತರಗತಿಯ ನಂತರದ ವಿದ್ಯಾರ್ಥಿಗಳು ಮಾಡಬಹುದು.



ಜಾಗತೀಕರಣದ ಈ ಕಾಲಮಾನದಲ್ಲಿ ಸಂವಹನಕ್ಕೆ ಹೆಚ್ಚು ಪ್ರಾಮುಖ್ಯ. ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಚೀನಾ ದಾಪುಗಾಲಿಟ್ಟಿರುವುದುಗೊತ್ತಿದೆಯಷ್ಟೆ. ಅಲ್ಲಿನವರು ಇಂಗ್ಲಿಷ್ ನೆಚ್ಚಿಕೊಳ್ಳದೆ ತಮ್ಮ ಭಾಷೆಯಲ್ಲೇ ವ್ಯವಹರಿಸುವುದರಲ್ಲಿ ನಿಸ್ಸೀಮರು. ಚೀನಾದ ಉಪಭಾಷೆ ಮ್ಯಾಂಡರಿನ್. ಈ ಭಾಷೆಯನ್ನು ಬಳಸುವವರ ಸಂಖ್ಯೆ ಚೀನಾದಲ್ಲಿ ಜಾಸ್ತಿಯೇ ಇದೆ.

 

‘ಪುಟೊಂಗುವಾ’ ಎಂದೂ ಹೆಸರಾದ ಮ್ಯಾಂಡರಿನ್ ‘ಪೀಪಲ್ಸ್ ರಿಪಬ್ಲಿಕ್ ಆಫ್ ಚೀನಾ’ದ ಅಧಿಕೃತ ಭಾಷೆಯೂ ಹೌದು. ತೈವಾನ್‌ನಲ್ಲೂ ಈ ಭಾಷೆ ಬಳಕೆಯಲ್ಲಿದೆ. ಸಿಂಗಪೂರ್‌ನ ನಾಲ್ಕು ಭಾಷೆಗಳಲ್ಲಿ ಇದೂ ಒಂದು. ವಿಶ್ವದಾದ್ಯಂತ ‘ಸ್ಟ್ಯಾಂಡರ್ಡ್ ಮ್ಯಾಂಡರಿನ್’ ಭಾಷೆಯನ್ನು ಎಂಟು ಕೋಟಿಗೂ ಹೆಚ್ಚು ಜನ ಬಳಸುತ್ತಾರೆ. ಹಾಗಾಗಿ ಈ ಭಾಷಾ ಕಲಿಕೆಗೆ ಸಿಬಿಎಸ್‌ಸಿ ಆದ್ಯತೆ ನೀಡುತ್ತಿದೆ. ಉದ್ಯೋಗಾವಕಾಶ ಸೃಷ್ಟಿಯಾಗಲಿದೆ

ಎಂಬ ಕಾರಣಕ್ಕೆ ಮ್ಯಾಂಡರಿನ್ ಭಾಷಾ ಕಲಿಕೆಗೆ ಮುಗಿಬೀಳುತ್ತಿರುವವರೂ ಅಸಂಖ್ಯ.



ಹಿಂದಿ, ಮರಾಠಿ ಬರೆಯಲು ಬಳಸುವ ದೇವನಾಗರಿ ಶೈಲಿಯನ್ನು ಬಳಸಿ ಮ್ಯಾಂಡರಿನ್ ಭಾಷೆಯನ್ನು ಭಾರತದ ವಿದ್ಯಾರ್ಥಿಗಳಿಗೆ ಕಲಿಸಲಾಗುತ್ತದೆ. ಕಲಿಯಲು ಕಷ್ಟಕರ ಎನ್ನಲಾದ ಈ ಭಾಷೆಯಲ್ಲಿ ಪರಿಣತಿ ಸಾಧಿಸುವುದು ಸುಲಭವಲ್ಲ. ಮುಂದೆ ಭಾರತದಲ್ಲೂ ಮ್ಯಾಂಡರಿನ್ ನಿಪುಣರು ಹುಟ್ಟಿಕೊಳ್ಳಲಿದ್ದಾರೆಂಬುದಕ್ಕೆ ಇದುವೇ ನಾಂದಿ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry