ಭಾರತ - ನ್ಯೂಜಿಲೆಂಡ್ ಪಂದ್ಯ ಡ್ರಾ

7

ಭಾರತ - ನ್ಯೂಜಿಲೆಂಡ್ ಪಂದ್ಯ ಡ್ರಾ

Published:
Updated:

ಲಿಂಕನ್, ನ್ಯೂಜಿಲೆಂಡ್ (ಪಿಟಿಐ): ಭಾರತ `ಎ~ ಮತ್ತು ನ್ಯೂಜಿಲೆಂಡ್ `ಎ~ ತಂಡಗಳ ನಡುವಿನ ಎರಡನೇ ಹಾಗೂ ಅಂತಿಮ ಕ್ರಿಕೆಟ್ ಟೆಸ್ಟ್ ಪಂದ್ಯ ಡ್ರಾದಲ್ಲಿ ಕೊನೆಗೊಂಡಿತು.



ಕೊನೆಯ ದಿನವಾದ ಶನಿವಾರ ಭಾರತ ತಂಡ 64.1 ಓವರ್‌ಗಳಲ್ಲಿ 4 ವಿಕೆಟ್‌ಗೆ 246 ರನ್ ಗಳಿಸಿ ತನ್ನ ಎರಡನೇ ಇನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು. ಆಕರ್ಷಕ ಶತಕ ಗಳಿಸಿದ ಅಭಿನವ್ ಮುಕುಂದ್ (ಅಜೇಯ 132) ಗಮನ ಸೆಳೆದರು. ಮುಕುಂದ್ 56 ರನ್‌ಗಳಿಂದ ಆಟ ಆರಂಭಿಸಿದ್ದರು.



ಗೆಲುವಿಗೆ 377 ರನ್ ಗಳಿಸುವ ಗುರಿ ನ್ಯೂಜಿಲೆಂಡ್ `ಎ~ ತಂಡದ ಮುಂದಿತ್ತು. ಆದರೆ ಎರಡನೇ ಇನಿಂಗ್ಸ್‌ನಲ್ಲಿ ಕೇವಲ ಮೂರು ಎಸೆತಗಳನ್ನು ಎದುರಿಸಿದ ಬಳಿಕ ಪಂದ್ಯವನ್ನು ಡ್ರಾದಲ್ಲಿ ಕೊನೆಗೊಳಿಸಲು ನಿರ್ಧರಿಸಲಾಯಿತು. ಸರಣಿಯ ಮೊದಲ ಪಂದ್ಯವೂ ಡ್ರಾದಲ್ಲಿ ಅಂತ್ಯಗೊಂಡಿತ್ತು.



ಸಂಕ್ಷಿಪ್ತ ಸ್ಕೋರ್: ಭಾರತ `ಎ~: ಮೊದಲ ಇನಿಂಗ್ಸ್ 118 ಓವರ್‌ಗಳಲ್ಲಿ 8 ವಿಕೆಟ್‌ಗೆ 554 ಡಿಕ್ಲೇರ್ಡ್ ಮತ್ತು ಎರಡನೇ ಇನಿಂಗ್ಸ್ 64.1 ಓವರ್‌ಗಳಲ್ಲಿ 4 ವಿಕೆಟ್‌ಗೆ 246 ಡಿಕ್ಲೇರ್ಡ್ (ಅಭಿನವ್ ಮುಕುಂದ್ ಔಟಾಗದೆ 132, ಉನ್ಮುಕ್ತ್ ಚಾಂದ್ 44, ಅನುಸ್ತಪ್ ಮಜುಮ್ದಾರ್ 32, ಜಾರ್ಜ್ ವರ್ಕರ್ 99ಕ್ಕೆ 3). ನ್ಯೂಜಿಲೆಂಡ್ `ಎ~: ಮೊದಲ ಇನಿಂಗ್ಸ್ 100 ಓವರ್‌ಗಳಲ್ಲಿ 7 ವಿಕೆಟ್‌ಗೆ 424 ಡಿಕ್ಲೇರ್ಡ್ ಮತ್ತು ಎರಡನೇ ಇನಿಂಗ್ಸ್ 0.3 ಓವರ್‌ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 0.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry