ಭಾರ ವಸ್ತು ಸಾಗಾಟದಿಂದ ರಸ್ತೆ ಹಾಳು

ಬುಧವಾರ, ಜೂಲೈ 24, 2019
24 °C

ಭಾರ ವಸ್ತು ಸಾಗಾಟದಿಂದ ರಸ್ತೆ ಹಾಳು

Published:
Updated:

ಬೆಂಗಳೂರು: `ಕೆಲ ಲಾರಿ ಮಾಲೀಕರಿಂದ ಅಧಿಕಾರಿಗಳು ಲಂಚ ಪಡೆದು, ನಿಗದಿತ ಪ್ರಮಾಣಕ್ಕಿಂತ ಅಧಿಕ ಭಾರದ ವಸ್ತುಗಳನ್ನು ಸಾಗಿಸಲು ಅನುಮತಿ ನೀಡುತ್ತಿರುವುದರಿಂದ ಇತರ ಲಾರಿಗಳು ಕೆಲಸ ವಿ ಲ್ಲದೇ ನಿಲ್ಲಬೇಕಾಗಿದ್ದು, ಅಧಿಕ ಭಾರದಿಂದ ರಸ್ತೆಗಳೂ ಹಾಳಾಗುತ್ತಿವೆ~ ಎಂದು ಕರ್ನಾಟಕ ಲಾರಿ ಸಂಘಗಳ ಒಕ್ಕೂಟದ ಅಧ್ಯಕ್ಷ ಬಿ.ಚನ್ನಾರೆಡ್ಡಿ ಆರೋಪಿಸಿದರು.



`ನಿಗದಿತ ಭಾರಕ್ಕಿಂತ ಅಧಿಕ ಭಾರ ಹೊತ್ತೊಯ್ಯುತ್ತಿರುವ ಲಾರಿಗಳನ್ನು ವಶಕ್ಕೆ ಪಡೆಯುವ ಕ್ರಮ ಗುಜರಾತ್, ಕೇರಳ, ಆಂಧ್ರಪ್ರದೇಶ ರಾಜ್ಯಗಳಲ್ಲಿ ಜಾರಿಯಲ್ಲಿವೆ. ಕರ್ನಾಟಕದಲ್ಲಿ ಈ ಪದ್ಧತಿ ಇಲ್ಲ. ಈಗಲಾದರೂ ಅಧಿಕಾರಿಗಳು ಅಧಿಕ ಭಾರದ ಲಾರಿಗಳನ್ನು ಪತ್ತೆಹಚ್ಚಿ ದಂಡ ವಿಧಿಸಬೇಕು~ ಎಂದು ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಆಗ್ರಹಿಸಿದರು.



 `ತನಿಖಾಧಿಕಾರಿಗಳು ತಪಾಸಣೆ ಮಾಡಿ, ಲಾರಿಗಳ ಹೆಚ್ಚುವರಿ ಪ್ರಮಾಣದ ತೂಕವನ್ನು ಸ್ಥಳದಲ್ಲಿಯೇ ಇಳಿಸಬೇಕೆಂದು ನಿಯಮವಿದೆ. ಆದರೆ ಇದು ಸರಿಯಾಗಿ ಪಾಲನೆಯಾಗುತ್ತಿಲ್ಲ. ಹೀಗಾಗಿ ಕೆಲ ಲಾರಿಗಳಿಗೆ ಕೆಲಸ ಸಿಕ್ಕರೆ, ಇನ್ನೂ ಕೆಲವಕ್ಕೆ ಸಿಗುತ್ತಿಲ್ಲ~ ಎಂದು ಅವರು ನುಡಿದರು.



`ನಮ್ಮಲ್ಲೇ ಕೆಲ ಲಾರಿ ಮಾಲೀಕರು ಟೋಕನ್ ವ್ಯವಸ್ಥೆ ಮಾಡಿಕೊಂಡು ತನಿಖಾಧಿಕಾರಿಗಳಿಗೆ ತಿಂಗಳೂ ಮಾಮೂಲು ನೀಡಿ ಅವರ ಲಾರಿಗಳಿಗೆ ತೊಂದರೆ ನೀಡದಂತೆ ನೋಡಿಕೊಳ್ಳುತ್ತಿದ್ದಾರೆ. ಇದರಿಂದ ಅಧಿಕ ಭಾರ ಸಾಗಣೆ ಹೆಚ್ಚಾಗಿದೆ. ಅಂಥವುಗಳನ್ನು ತಡೆಗಟ್ಟಲು ಕೂಡಲೇ ಅಧಿಕಾರಿಗಳು ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳ ಬೇಕು~ ಎಂದು ಒತ್ತಾಯಿಸಿದರು.



 ಮುಖಂಡರಾದ ವಿಶ್ವನಾಥ್, ಪಾಪಣ್ಣ, ಎಸ್.ಆನಂದ್, ಮುನಿರಾಜು, ಸಂದೀಪ ಉಪಸ್ಥಿತರಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry