ಭೂಕಂಪ: ಭೂ ಪರಿಭ್ರಮಣ ವೇಗ ಹೆಚ್ಚಳ!

ವಾಷಿಂಗ್ಟನ್ (ಪಿಟಿಐ): ಜಪಾನ್ ಹಾಗೂ ನೆರೆಹೊರೆಯ ರಾಷ್ಟ್ರಗಳನ್ನು ವಿಕಿರಣ ವಿಪತ್ತಿನ ಭೀತಿಗೆ ಸಿಲುಕಿಸಿರುವ  ಶುಕ್ರವಾರದ ಭೂಕಂಪವು  ಸೂರ್ಯನ ಸುತ್ತ ಭೂಮಿ ಪರಿಭ್ರಮಿಸುವ ವೇಗವನ್ನೇ ಬದಲಾಯಿಸಿಬಿಟ್ಟಿದೆ.

ಈ ಭೂಕಂಪದ ನಂತರ ಭೂಮಿಯ ಪರಿಭ್ರಮಣದ ವೇಗ ಹೆಚ್ಚಾಗಿದೆ. ಹೀಗಾಗಿ ದಿನಮಾನದ ಅವಧಿ 1.8 ಮೈಕ್ರೋಸೆಕೆಂಡುಗಳಷ್ಟು ಮೊಟಕುಗೊಂಡಿದೆ ಎಂದು ನಾಸಾ ವಿವರಿಸಿದೆ.

ರಿಕ್ಟರ್ ಮಾಪಕದಲ್ಲಿ 8.9ರಷ್ಟಿದ್ದ ಭೂಕಂಪವು ಭೂಮಿಯ ತೂಕ ಹಂಚಿಕೆಯಾಗಿದ್ದ ರೀತಿಯನ್ನೇ ಬದಲಿಸಿಬಿಟ್ಟಿದೆ. ಇದರಿಂದಾಗಿ ಸೂರ್ಯನನ್ನು ಭೂಮಿ ಸುತ್ತುವ ವೇಗ ಕೊಂಚ ಹೆಚ್ಚಾಗಿದೆ. ಹೀಗಾಗಿ 24 ತಾಸುಗಳ, ಅಂದರೆ 86,400 ಸೆಕೆಂಡುಗಳನ್ನು ಒಳಗೊಂಡ ಒಂದು ದಿನದ ಅವಧಿ ಈಗ 1.8 ಮೈಕ್ರೊ ಸೆಕೆಂಡುಗಳಷ್ಟು (0.000002 ಸೆಕೆಂಡು) ಕಡಿಮೆಯಾಗಿದೆ.