ಗುರುವಾರ , ಜೂಲೈ 2, 2020
23 °C

ಭ್ರಷ್ಟಾಚಾರದಿಂದ ಭಾರತಕ್ಕೆ ಪ್ರತಿವರ್ಷ 16 ಶತಕೋಟಿ ಡಾಲರ್ ನಷ್ಟ: ಬೇಡಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಭ್ರಷ್ಟಾಚಾರದಿಂದ ಭಾರತಕ್ಕೆ ಪ್ರತಿವರ್ಷ 16 ಶತಕೋಟಿ ಡಾಲರ್ ನಷ್ಟ: ಬೇಡಿ

ಷಿಕಾಗೋ (ಪಿಟಿಐ): ಭ್ರಷ್ಟಾಚಾರದಿಂದಾಗಿ ಭಾರತವು ಪ್ರತಿವರ್ಷ 16 ಶತಕೋಟಿ ಅಮೆರಿಕನ್ ಡಾಲರ್ ಗಳನ್ನು ಕಳೆದುಕೊಳ್ಳುತ್ತಿದೆ ಎಂದು ಸಾಮಾಜಿಕ ಕಾರ್ಯಕರ್ತೆಯಾಗಿ ಪರಿವರ್ತನೆಗೊಂಡ ಐಪಿಎಸ್ ಅಧಿಕಾರಿ ಕಿರಣ್ ಬೇಡಿ ಇಲ್ಲಿ ಹೇಳಿದರು.



ಜಾಗತಿಕ ವ್ಯವಹಾರಗಳ ಕುರಿತ ಷಿಕಾಗೋ ಕೌನ್ಸಿಲ್ ಸಂಘಟಿಸಿದ್ದ ಸಮಾರಂಭವೊಂದರಲ್ಲಿ ಮಾತನಾಡಿದ ಅವರು, ~ಮೂಲ ಸವಲತ್ತುಗಳ ಸಲುವಾಗಿ ವಿನಿಯೋಗಿಸಲಾಗುವ ಪ್ರತಿ 100 ರೂಪಾಯಿಯಲ್ಲಿ ಕೇವಲ 16 ರೂಪಾಯಿ ಆ ಉದ್ದೇಶಕ್ಕಾಗಿ ಬಳಕೆಯಾಗುತ್ತಿದೆ. ಉಳಿದ 84 ರೂಪಾಯಿ ಕಳೆದುಹೋಗುತ್ತಿದೆ~ ಎಂದು ಅವರು ನುಡಿದರು.



ಭಾರತವು ಭ್ರಷ್ಟಾಚಾರ ಮುಕ್ತವಾದರೆ ಅದು ಜಗತ್ತಿನಲ್ಲೇ ಅತ್ಯಂತ ಹೆಚ್ಚು ಅಭಿವೃದ್ಧಿ ಹೊಂದಿದ ದೇಶವಾಗುತ್ತದೆ ಮತ್ತು ಅದು ಸಂಪೂರ್ಣ ಸಾಲಮುಕ್ತ ರಾಷ್ಟ್ರವಾಗುತ್ತದೆ ಎಂದು ಬೇಡಿ ಹೇಳಿದರು.



~ಅಮೆರಿಕದಲ್ಲಿ ಎಲ್ಲ ಭಾರತೀಯರು ನಮ್ಮ ಭವಿಷ್ಯಕ್ಕಾಗಿ ಸಂಘಟಿತರಾಗಿ ದನಿ ಎತ್ತಬೇಕು ಎಂದು ನಾನು ಬಯಸುತ್ತೇನೆ~ ಎಂದು ಸಾಮಾಜಿಕ ಕಾರ್ಯಕರ್ತ ಅಣ್ಣಾ ಹಜಾರೆ ನೇತೃತ್ವದ ಭ್ರಷ್ಟಾಚಾರ ವಿರೋಧಿ ಚಳವಳಿಯೊಂದಿಗೆ ಗುರುತಿಸಿಕೊಂಡಿರುವ ಕಿರಣ್ ನುಡಿದರು.



ಲೋಕಪಾಲ ಮಸೂದೆ ಬಗ್ಗೆ ಪ್ರಸ್ತಾಪಿಸಿದ ಅವರು ~ಹತ್ತಿಕ್ಕುವ ಯಾವುದೇ ವ್ಯವಸ್ಥೆ ಇಲ್ಲದ ಕಾರಣ ಭ್ರಷ್ಟಾಚಾರ ಹೆಚ್ಚಿದೆ. ಸಕಾರಾತ್ಮಕ ಬೆಳವಣಿಗೆಯಲ್ಲಿನ ಲೋಪದೋಷಗಳನ್ನು ನಿವಾರಿಸುವ ಸೂಕ್ತ ವ್ಯವಸ್ಥೆ ಇಲ್ಲದೇ ಇರುವುದೂ ಇದಕ್ಕೆ ಕಾರಣ~ ಎಂದು ವಿವರಿಸಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.