ಮತಗಟ್ಟೆ ಸಮೀಕ್ಷೆ ಪ್ರಸಾರಕ್ಕೆ ನಿಷೇಧ

7

ಮತಗಟ್ಟೆ ಸಮೀಕ್ಷೆ ಪ್ರಸಾರಕ್ಕೆ ನಿಷೇಧ

Published:
Updated:

ನವದೆಹಲಿ (ಪಿಟಿಐ): ಕರ್ನಾಟಕದ ವಿಧಾನಸಭಾ ಚುನಾವಣೆಗೆ ಸಂಬಂಧಿಸಿದಂತೆ ಯಾವುದೇ ಮತಗಟ್ಟೆ ಸಮೀಕ್ಷೆಯ ಮುದ್ರಣ ಅಥವಾ ಪ್ರಸಾರಕ್ಕೆ ಕೇಂದ್ರ ಚುನಾವಣಾ ಆಯೋಗವು ನಿಷೇಧ ವಿಧಿಸಿದೆ.



ಮತಗಟ್ಟೆ ಸಮೀಕ್ಷೆಯ ಫಲಿತಾಂಶ ಅಥವಾ ಬೇರಾವುದೇ ರೀತಿಯ ಸಮೀಕ್ಷೆಯ ಫಲಿತಾಂಶ ಒಳಗೊಂಡಂತೆ ಚುನಾವಣೆಗೆ ಸಂಬಂಧಿಸಿದ ಯಾವುದೇ ಸಂಗತಿಯನ್ನು ಎಲೆಕ್ಟ್ರಾನಿಕ್ ಮಾಧ್ಯಮದಲ್ಲಿ ಚುನಾವಣೆ ದಿನವಾದ ಮೇ 5ರ ಚುನಾವಣೆ ಅಂತ್ಯವಾಗುವ ಸಮಯಕ್ಕೆ ಮುಂಚಿನ 48 ಗಂಟೆ ಅವಧಿಯೊಳಗೆ ಪ್ರಕಟಿಸಬಾರದು ಎಂದೂ ಆಯೋಗ ಗುರುವಾರ ಸೂಚಿಸಿದೆ.



ಮತದಾರರ ಮೇಲೆ ಅಥವಾ ನಂತರದ ಫಲಿತಾಂಶದ ಮೇಲೆ ಪ್ರಭಾವ ಬೀರುವ ಯಾವುದೇ ವಿಷಯವನ್ನು ಚುನಾವಣಾ ಸುದ್ದಿ ಎಂದು ಪರಿಗಣಿಸಲಾಗುವುದು. ಇಂತಹ ವಿಷಯದ ಮುದ್ರಣ ಅಥವಾ ಪ್ರಸಾರವು 1951ರ ಜನಪ್ರತಿನಿಧಿ ಕಾಯ್ದೆಯ 126ನೇ ಸೆಕ್ಷನ್‌ನ್ನು ಉಲ್ಲಂಘಿಸಿದಂತಾಗುತ್ತದೆ. ಈ ತಪ್ಪಿಗಾಗಿ 2 ವರ್ಷಗಳ ಜೈಲು ಶಿಕ್ಷೆ ಅಥವಾ ದಂಡ, ಇಲ್ಲವೇ ಎರಡನ್ನೂ ವಿಧಿಸಬಹುದು ಎಂದು ಆಯೋಗವು ಆದೇಶದಲ್ಲಿ ತಿಳಿಸಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry