ಬುಧವಾರ, ಜೂನ್ 16, 2021
23 °C

ಮತದಾರರ ಪಟ್ಟಿಗೆ ಹೆಸರು ಸೇರಿಸಲು ಇಂದು ಕೊನೆ ದಿನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಮತದಾರರ ಪಟ್ಟಿಯಲ್ಲಿ ಹೆಸರು ನೋಂದಾಯಿಸಿಕೊಳ್ಳಲು ಕೇವಲ ಒಂದು ದಿನ ಬಾಕಿ ಉಳಿದಿದೆ. ಹೊಸದಾಗಿ ಹೆಸರು ಸೇರ್ಪಡೆಗೆ, ವರ್ಗಾವಣೆ ಹಾಗೂ ತಿದ್ದುಪಡಿಗಾಗಿ ಅರ್ಜಿಗಳನ್ನು ಸಲ್ಲಿಸಲು ಭಾನುವಾರ (ಮಾ.16) ಕೊನೆಯ ದಿನ ಎಂದು ಮುಖ್ಯ ಚುನಾವಣಾಧಿಕಾರಿ ಅನಿಲ್‌ ಕುಮಾರ್‌ ಝಾ ತಿಳಿಸಿದರು.



ತಾಲ್ಲೂಕು ಕಚೇರಿಯಲ್ಲಿನ ಮತ­ದಾರರ ಸಹಾಯ ಕೇಂದ್ರ, ವಾರ್ಡ್‌ ಕಚೇರಿ, ಬೆಂಗಳೂರು ಒನ್‌ ಕೇಂದ್ರ­ ಹಾಗೂ ಆನ್‌ಲೈನ್‌ನಲ್ಲಿ ಅರ್ಜಿ­ಗಳು ದೊರೆಯು­ತ್ತವೆ. ಭರ್ತಿ ಮಾಡಿದ ಅರ್ಜಿಗಳನ್ನು ಮೇಲ್ಕಂಡ ಕಚೇರಿ­ಗ­ಳಲ್ಲೇ ಸಲ್ಲಿಸಬಹುದು ಎಂದರು.



ಈಗಾಗಲೇ ಹೆಸರು ನೋಂದಾಯಿಸಿ­ಕೊಂಡಿರುವ ಮತದಾರರು ಮೊಬೈಲ್‌­ನಲ್ಲಿ kaepic ಎಂದು ಟೈಪ್‌ ಮಾಡಿದ ನಂತರ ಸ್ಟೇಸ್‌ ಕೊಟ್ಟು ಮತದಾರರ ಗುರುತಿನ ಚೀಟಿಯ ಸಂಖ್ಯೆ ಟೈಪ್‌ ಮಾಡಿ ದೂರವಾಣಿ ಸಂಖ್ಯೆ 9243355223 ಕ್ಕೆ ಸಂದೇಶ ಕಳುಹಿ­ಸ­ಬೇಕು. ಹೆಸರು ನೋಂದಣಿಯಾಗಿ-­ದ್ದಲ್ಲಿ, ಮತಗಟ್ಟೆಯ ವಿವರ ಕೆಲವೇ ಸೆಕೆಂಡುಗಳಲ್ಲಿ ಸಂದೇಶದ ಮೂಲಕ ಮೊಬೈಲೆಗೆ ಬರುತ್ತದೆ.



ಮತದಾರರು ಆನ್‌ಲೈನ್‌ನಲ್ಲೂ ಅರ್ಜಿ ಸಲ್ಲಿಸಬಹುದು. ಅರ್ಜಿಗಾಗಿ ಸಂಪರ್ಕಿಸಿ: www.voterreg.kar.nic.inwww.ceokarnataka.kar.nic.in

ಬೆಂಗಳೂರು ನಗರದಲ್ಲಿ ವಾರ್ಡ್ ಮಟ್ಟದ ಸಹಾಯಕ ಮತದಾರರ ನೋಂದ­ಣಾ­ಧಿ­ಕಾರಿ­ಗಳ ಕಚೇರಿಗಳಲ್ಲಿ ಅರ್ಜಿ ಪಡೆಯಬಹುದು. ಬೆಳಿಗ್ಗೆ 10ರಿಂದ ಸಂಜೆ 5.30ರ ವರೆಗೆ ಅರ್ಜಿ ವಿತರಣೆ ಮತ್ತು ಸ್ವೀಕಾರಕ್ಕೆ ಅವಕಾಶ ಇರುತ್ತದೆ. ಮಾಹಿತಿಗೆ ಪಾಲಿಕೆಯ ನಿಯಂತ್ರಣ ಕೊಠಡಿ ಸಂಪರ್ಕಿಸಬಹುದು (ದೂ ೨೨೯೭೫೫೦೦, ೨೨೯೭೫೫೮೩).   



ಕಾಲಾವಕಾಶಕ್ಕೆ ಮನವಿ: ಮತದಾರರ ಪಟ್ಟಿಗೆ ಹೆಸರು ನೋಂದಾಯಿಸಲು ಇನ್ನೂ ಹೆಚ್ಚಿನ ಕಾಲಾವಕಾಶ ನೀಡಬೇಕು ಎಂದು ಬಿಜೆಪಿ ರಾಜ್ಯ ಘಟಕ ಚುನಾವಣಾ ಆಯೋಗಕ್ಕೆ ಮನವಿ ಸಲ್ಲಿಸಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.