ಮನಸೂರೆಗೊಂಡ ಭರತನಾಟ್ಯ ನೃತ್ಯಾಂಜಲಿ

7

ಮನಸೂರೆಗೊಂಡ ಭರತನಾಟ್ಯ ನೃತ್ಯಾಂಜಲಿ

Published:
Updated:
ಮನಸೂರೆಗೊಂಡ ಭರತನಾಟ್ಯ ನೃತ್ಯಾಂಜಲಿ

ಗುಲ್ಬರ್ಗ: `ವರ್ಣಸಿಂಧು ನೃತ್ಯ ಕಲಾಕೇಂದ್ರ~ದ 16ನೇ ವಾರ್ಷಿಕೋತ್ಸವದ ಅಂಗವಾಗಿ ಭಾನುವಾರ ಸಂಜೆ ಇಲ್ಲಿನ ಎಸ್.ಎಂ. ಪಂಡಿತ ರಂಗಮಂದಿರದಲ್ಲಿ ನಡೆದ `ಭರತನಾಟ್ಯ ನೃತ್ಯಾಂಜಲಿ~ ಕಾರ್ಯಕ್ರಮದಲ್ಲಿ ಕಲಾವಿದರು ರಸದೌತಣ ನೀಡಿದರು.



ಸುಮಾರು ಮೂರು ಗಂಟೆಗಳ ಕಾಲ ನಡೆದ ಕಾರ್ಯಕ್ರಮದಲ್ಲಿ ಕಲಾಕೇಂದ್ರದ ವಿದ್ಯಾರ್ಥಿ- ವಿದ್ಯಾರ್ಥಿನಿಯರು ನೀಡಿದ ನಾಟ್ಯ ಪ್ರದರ್ಶನ ಜನರ ಮೆಚ್ಚುಗೆಗೆ ಪಾತ್ರವಾಯಿತು.



ಅಲರಿಪುದಲ್ಲಿ (ಅಡವುಗಳ ನೃತ್ಯ) ಚಿಕ್ಕ ಮಕ್ಕಳು ನಡೆಸಿಕೊಟ್ಟ ಪ್ರದರ್ಶನ ಆಕರ್ಷಕವಾಗಿತ್ತು. ದೇವರನಾಮ ಹಾಗೂ ತಾಳಕ್ಕೆ ತಕ್ಕಂತೆ ಬಾಲಕಿಯರು ಪುಟ್ಟ ಪುಟ್ಟ ಹೆಜ್ಜೆ ಹಾಕಿ ನೃತ್ಯ ಮಾಡುತ್ತ, ನೋಡುಗರನ್ನು ಚಕಿತಗೊಳಿಸಿದರು.



ಹಿರಿಯ ಕಲಾವಿದರು `ಜಯ ಜಾನಕೀರಮಣ~ ಕೀರ್ತನೆಯ ಜತೆಗೆ ಶಿವಸ್ತುತಿ, ನಟೇಶ ಸ್ತುತಿಗೆ ಮಾಡಿದ ನಾಟ್ಯ ಮನಮೋಹಕವಾಗಿತ್ತು. ಪಂಚ ಮೂರ್ತಾಂಗನೆ ನೃತ್ಯವೂ ಗಮನ ಸೆಳೆಯಿತು. ಕೂಚುಪುಡಿ ಶೈಲಿಯ `ತರಂಗಂ ನೃತ್ಯ~ದಲ್ಲಿ ತಲೆ ಹಾಗೂ ಎರಡೂ ಕೈಗಳಲ್ಲಿ ದೀಪ ಇಟ್ಟುಕೊಂಡು ತಾಳಕ್ಕೆ ತಕ್ಕಂತೆ ಹೆಜ್ಜೆ ಹಾಕಿದ ಕಲಾವಿದರು, ಪ್ರೇಕ್ಷಕರನ್ನು ತುದಿಗಾಲ ಮೇಲೆ ನಿಲ್ಲುವಂತೆ ಮಾಡಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry