ಮಾನವಹಕ್ಕು ಜಾಗೃತಿಗೆ 25 ಕಿಮೀ ಮಾನವ ಸರಪಳಿ

7

ಮಾನವಹಕ್ಕು ಜಾಗೃತಿಗೆ 25 ಕಿಮೀ ಮಾನವ ಸರಪಳಿ

Published:
Updated:

ಭುವನೇಶ್ವರ (ಐಎಎನ್‌ಎಸ್): ಅಂತರರಾಷ್ಟ್ರೀಯ ಮಾನವ ಹಕ್ಕುಗಳ ದಿನದ ಪ್ರಯುಕ್ತ ಕಳಿಂಗ ಸಾಮಾಜಿಕ ವಿಜ್ಞಾನ ಸಂಸ್ಥೆಯ (ಕೆಐಎಸ್‌ಎಸ್- ಕಿಸ್) ಇಪ್ಪತ್ತು ಸಾವಿರಕ್ಕೂ ಹೆಚ್ಚಿನ ಮಕ್ಕಳು ಸೋಮವಾರ 25 ಕಿ.ಮೀ. ಉದ್ದದ ಮಾನವ ಸರಪಳಿಯನ್ನು ರಚಿಸಿದರು.



ಮಾನವ ಹಕ್ಕುಗಳ  ಬಗ್ಗೆ ಜಾಗೃತಿ ಮೂಡಿಸುವ ಭಿತ್ತಿಚಿತ್ರಗಳು ಮತ್ತು ಬ್ಯಾನರ್‌ಗಳನ್ನು ಹಿಡಿದಿದ್ದ ಮಕ್ಕಳು ಎರಡು ನಿಮಿಷಗಳ ಕಾಲ ಒಬ್ಬರ ಕೈಯನ್ನು ಒಬ್ಬರು ಹಿಡಿದು ರಚಿಸಿದ ಮಾನವ ಸರಪಳಿ ನಗರದ ಬಹುಪಾಲು ಪ್ರದೇಶವನ್ನು ಸುತ್ತುವರಿದಿತ್ತು.



ನಗರದ ವಿವಿಧೆಡೆ ಮಕ್ಕಳಿಂದ ಸಾಂಸ್ಕೃತಿಕ ನೃತ್ಯ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಕಾರ್ಯಕ್ರಮದಲ್ಲಿ  ಶಾಸಕರು, ಸಚಿವರು, ಪತ್ರಕರ್ತರು, ಅಕಾಡೆಮಿ ಸದಸ್ಯರು ಮತ್ತು ಚಿತ್ರರಂಗದ ಸದಸ್ಯರು ಉಪಸ್ಥಿತರಿದ್ದರು.  ವಿಶ್ವದಾದ್ಯಂತ ಡಿ. 10ರಂದು ಮಾನವ ಹಕ್ಕುಗಳ ದಿನವನ್ನು ಆಚರಿಸಲಾಗುತ್ತದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry