ಮಿಶೆಲ್ ಒಬಾಮಗೆ ಜೀವ ಬೆದರಿಕೆ

ಮಂಗಳವಾರ, ಜೂಲೈ 23, 2019
25 °C

ಮಿಶೆಲ್ ಒಬಾಮಗೆ ಜೀವ ಬೆದರಿಕೆ

Published:
Updated:

ವಾಷಿಂಗ್ಟನ್ (ಪಿಟಿಐ): ಅಮೆರಿಕದ ಪ್ರಥಮ ಮಹಿಳೆ, ಅಧ್ಯಕ್ಷ ಬರಾಕ್ ಒಬಾಮ ಅವರ ಪತ್ನಿ ಮಿಶೆಲ್ ಒಬಾಮ ಅವರನ್ನು ಹತ್ಯೆ ಮಾಡುವುದಾಗಿ ಪೊಲೀಸ್ ಅಧಿಕಾರಿಯೊಬ್ಬ ಬೆದರಿಕೆ ಹಾಕಿದ್ದಾನೆ.



ಶ್ವೇತಭವನದ ಅಧಿಕಾರಿಗಳಿಗೆ ಮತ್ತು ಅಲ್ಲಿಗೆ ಭೇಟಿ ನೀಡುವ ಅತಿಥಿಗಳಿಗಾಗಿ ಇರುವ ಮೋಟಾರ್ ಸೈಕಲ್ ಅಂಗರಕ್ಷಕ ಪಡೆಯಲ್ಲಿ ಈತ ಕಾರ್ಯನಿರ್ವಹಿಸುತ್ತಿದ್ದಾನೆ.  ಈ ಸಂಬಂಧ, ವಾಷಿಂಗ್ಟನ್ ಡಿ.ಸಿ ಪೊಲೀಸರು ಮೆಟ್ರೊ ಪೊಲೀಸ್ ಅಧಿಕಾರಿಯೊಬ್ಬರ ವಿಚಾರಣೆ ನಡೆಸುತ್ತಿದ್ದಾರೆ. `ಮಿಶೆಲ್ ಒಬಾಮ ವಿರುದ್ಧ ಅನುಚಿತವಾದ ಹೇಳಿಕೆಗಳನ್ನು ನೀಡಲಾಗಿದೆ ಎಂಬ ಆರೋಪಗಳು ಬಂದಿವೆ. ಯಾವ ರೀತಿಯ ಹೇಳಿಕೆಗಳನ್ನು ನೀಡಲಾಗಿದೆ ಎಂಬ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ~ ಎಂದು ವಾಷಿಂಗ್ಟನ್ ಡಿ ಸಿ ಮೆಟ್ರೊ ಪೊಲೀಸ್ ಇಲಾಖೆ  ತಿಳಿಸಿದೆ.



ಪೊಲೀಸ್ ಅಧಿಕಾರಿಯ ಗುರುತನ್ನು ಬಹಿರಂಗ ಪಡಿಸಲು ಪೊಲೀಸ್ ಇಲಾಖೆ  ನಿರಾಕರಿಸಿದೆ. ಈ ಪ್ರಕರಣದ ಬಗ್ಗೆ ಪ್ರತಿಕ್ರಿಯೆ ನೀಡಲು ಅಮೆರಿಕ ಅಟಾರ್ನಿ ಕಚೇರಿ ಕೂಡ ನಿರಾಕರಿಸಿದೆ.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry