ಭಾನುವಾರ, ಜನವರಿ 26, 2020
25 °C

ಮೂರು ಚಿರತೆ ಮರಿ ಪತ್ತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ರಟ್ಟೀಹಳ್ಳಿ (ಹಾವೇರಿ ಜಿಲ್ಲೆ): ಸಮೀಪದ ಕಡೂರ ಗ್ರಾಮದ ಹೊರ­ವಲಯದಲ್ಲಿ ಮೂರು ಚಿರತೆ ಮರಿ­ಗಳು ಪತ್ತೆಯಾಗಿವೆ. ಅವುಗಳನ್ನು ನೋಡಲು ನೂರಾರು ಜನರು ಜಮಾಯಿಸಿದ್ದರು.



ಕುಡಿವ ನೀರು ಪೂರೈಕೆ ಕೊಳವೆ ಒಳಗೆ ಮರಿಗಳು ಇದ್ದುದರಿಂದ ಅವು ಕಾಣಿಸುತ್ತಿರಲಿಲ್ಲ. ಆದರೆ ಬ್ಯಾಟರಿ (ಟಾರ್ಚ್‌) ಹಾಕಿ ನೋಡಿದರೆ ಕಾಣಿಸುತ್ತಿ­ದ್ದವು. ಕೊಳವೆ ಮಧ್ಯ­ಭಾಗದಲ್ಲಿ ಚಿರತೆಗಳಿದ್ದುದರಿಂದ ಅವುಗಳನ್ನು ಹೊರ ತೆಗೆಯುವ ಸಾಹಸಕ್ಕೆ ಯಾರೂ ಕೈ ಹಾಕಿಲ್ಲ.



ಅರಣ್ಯ ಇಲಾಖೆ ಸಿಬ್ಬಂದಿ ಬೆಳಿಗ್ಗೆ­ಯಿಂದಲೇ ಮರಿಗಳನ್ನು ಕಾಯು­ತ್ತಿದ್ದು, ರಕ್ಷಣೆಗೆ ಪ್ರಯತ್ನಿಸುತ್ತಿ­ದ್ದಾರೆ. ರಾತ್ರಿ ವೇಳೆ ತಾಯಿ ಚಿರತೆ ಪ್ರತ್ಯಕ್ಷ­ವಾದರೆ ಮುಂದಿನ ಕ್ರಮದ ಬಗ್ಗೆ ಯೋಚಿಸಲಾಗುವುದು ಎಂದು ಅರಣ್ಯ ಇಲಾಖೆಯ  ಅಧಿಕಾರಿಗಳು ತಿಳಿಸಿದ್ದಾರೆ

ಪ್ರತಿಕ್ರಿಯಿಸಿ (+)