ಮೊಬೈಲ್ ಬಳಕೆಯಿಂದ ಕ್ಯಾನ್ಸರ್

ಶನಿವಾರ, ಜೂಲೈ 20, 2019
22 °C

ಮೊಬೈಲ್ ಬಳಕೆಯಿಂದ ಕ್ಯಾನ್ಸರ್

Published:
Updated:

ನವದೆಹಲಿ, (ಪಿಟಿಐ): ಮೊಬೈಲ್ ಫೋನ್‌ಗಳ ಅತಿಯಾದ ಬಳಕೆ ಮಿದುಳಿನ ಕ್ಯಾನ್ಸರ್‌ಗೆ ಕಾರಣವಾಗುತ್ತದೆ ಎಂಬ ವಿಶ್ವ ಆರೋಗ್ಯ ಸಂಸ್ಥೆ ನಡೆಸಿದ ಸಂಶೋಧನೆಯ ವಿವರಗಳನ್ನು ಪರಿಶೀಲಿಸಲಾಗುವುದು ಎಂದು ವೈದ್ಯಕೀಯ ಸಂಶೋಧನೆಗಾಗಿನ ಭಾರತೀಯ ಮಂಡಳಿ (ಐಸಿಎಂಆರ್) ತಿಳಿಸಿದೆ.



ಇದೇ ವೇಳೆ ಈ ವಿಷಯಕ್ಕೆ ಸಂಬಂಧಿಸಿದಂತೆ ತಮ್ಮ ಸಂಸ್ಥೆ ನಡೆಸುತ್ತಿರುವ ಸ್ವತಂತ್ರ ಅಧ್ಯಯನದ ಫಲಿತಾಂಶ  ಮುಂದಿನ ವರ್ಷ ಹೊರಬರಲಿದೆ ಎಂದೂ ತಿಳಿಸಿದೆ.



`ವಿಶ್ವ ಆರೋಗ್ಯ ಸಂಸ್ಥೆ ನಡೆಸಿದ ಅಧ್ಯಯನ ಕುರಿತು ಪರಿಶೀಲಿಸಲಾಗುವುದಲ್ಲದೆ ಯಾವ ಅಂಕಿ ಅಂಶಗಳ ಆಧಾರದಲ್ಲಿ ಈ ನಿರ್ಧಾರಕ್ಕೆ ಬರಲಾಗಿದೆ ಎಂಬುದನ್ನೂ ಪರಿಶೀಲಿಸಲಾಗುವುದು~ ಎಂದು (ಐಸಿಎಂಆರ್) ಮಹಾ ನಿರ್ದೇಶಕ ವಿ. ಎಂ. ಕಟೋಷ್ ಸ್ಪಷ್ಟಪಡಿಸಿದ್ದಾರೆ.



ಮೊಬೈಲ್ ಫೋನ್‌ಗಳ ಬಳಕೆ ಕುರಿತಂತೆ ಐಸಿಎಂಆರ್ ತನ್ನದೇ ಆದ ಸ್ವತಂತ್ರ ಅಧ್ಯಯನವನ್ನೂ ನಡೆಸುತ್ತಿದ್ದು, ಅಂತಿಮ ಫಲಿತಾಂಶದ ಕುರಿತು ಮಾತನಾಡಲು ಇದು ಸೂಕ್ತ ಸಮಯ ಅಲ್ಲ~ ಎಂದು ಅವರು ತಿಳಿಸಿದರು.



ಈ ಕುರಿತು ತಮ್ಮ ಸಂಸ್ಥೆ ಕಳೆದ ಮೇ ತಿಂಗಳಲ್ಲಿ ಸಂಶೋಧನೆ ಆರಂಭಿಸಿದೆ ಎಂದೂ ಅವರು ಹೇಳಿದರು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry