ಗುರುವಾರ , ಮೇ 26, 2022
31 °C
ಪಂಚರಂಗಿ

`ರಂಗಭೂಮಿ ಬಲು ಕಠಿಣ'

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಭಿನಯದ ಮಟ್ಟುಗಳನ್ನೆಲ್ಲ ಅರೆದು ಕುಡಿದಿರುವ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್, ರಂಗಭೂಮಿಯೇ ಕಠಿಣವಾದ ಕ್ಷೇತ್ರ ಎಂದು ಅಭಿಪ್ರಾಯ ಪಟ್ಟಿದ್ದಾರೆ. ಎಪ್ಪತ್ತರ ಹರೆಯದಲ್ಲೂ ಅನೇಕರು ದಂಗುಬಡಿಯುವಂತೆ ನಟಿಸುವ ಬಿಗ್ ಬಿ ಪ್ರಕಾರ ಸದಾ ಕಲಿಕೆಗೆ ಅವಕಾಶವಿರುವ ರಂಗಭೂಮಿಗೆ ಮರಳುವುದು ರೋಮಾಂಚಕ ಅನುಭವ.

ಕಳೆದ ವಾರವಷ್ಟೇ ಪೃಥ್ವಿರಾಜ್ ರಂಗಮಂದಿರದಲ್ಲಿ ನಾಟಕವೊಂದನ್ನು ವೀಕ್ಷಿಸಿದ ಬಳಿಕ ಅವರಿಗೆ ಹೀಗೆ ಅನಿಸಿತಂತೆ. ಮಾತ್ರವಲ್ಲ, ನಾಟಕ ನೋಡುತ್ತಿರುವಾಗ ಶಾಲೆ ಮತ್ತು ಕಾಲೇಜಿನಲ್ಲಿ ನಾಟಕಗಳಲ್ಲಿ ತಾವು ಅಭಿನಯಿಸಿದ ದಿನಗಳು ಮರುಕಳಿಸಿದವಂತೆ.



`ರಂಗಭೂಮಿಗೆ ಮರಳುವುದು ನಿಜಕ್ಕೂ ಅದ್ಭುತ ಅನುಭವವಾದೀತು. ಆದರೆ ಈಗ ಅಲ್ಲಿಗೆ ಹೋಗುವುದನ್ನು ಊಹಿಸುವುದೂ ಕಷ್ಟ. ನನ್ನಲ್ಲಿ ಆ ಯೋಚನೆ ದಿಗಿಲು ಹುಟ್ಟಿಸುತ್ತದೆ. ನಮಗೇನಿದ್ದರೂ ಒಂದು ವ್ಯವಸ್ಥಿತವಾದ, ನಿಯಂತ್ರಿತವಾದ ವ್ಯವಸ್ಥೆಯೇ ಸೂಕ್ತ' ಎಂದು ತಮ್ಮ ಬ್ಲಾಗ್‌ನಲ್ಲಿ ಬರೆದುಕೊಂಡಿರುವ ಬಿಗ್ ಬಿ, ಅಸಂಖ್ಯಾತ ತಪ್ಪುಗಳನ್ನು ಮಾಡುತ್ತಾ, ತಿದ್ದಿಕೊಳ್ಳುತ್ತಾ ಪಾತ್ರಗಳನ್ನು ರೂಪಿಸುವ ಚಿತ್ರರಂಗಕ್ಕಿಂತ ತಕ್ಷಣವೇ ಪ್ರೇಕ್ಷಕರ ಪ್ರತಿಕ್ರಿಯೆ ವ್ಯಕ್ತವಾಗುವ ನಾಟಕ ಕ್ಷೇತ್ರ ನಿಜಕ್ಕೂ ಕಠಿಣವಾದುದು.

ಪಾತ್ರವೊಂದರ ಅಭಿನಯಕ್ಕೆ ನಿಮ್ಮೆದುರೇ ಕುಳಿತ ಪ್ರೇಕ್ಷಕ ಚಪ್ಪಾಳೆ ತಟ್ಟುವ ಮೂಲಕವೋ ಅಥವಾ ಇನ್ಯಾವುದೇ ರೂಪದಲ್ಲಿಯೋ ಪ್ರತಿಕ್ರಿಯೆ ವ್ಯಕ್ತಪಡಿಸುವ ಪ್ರಕ್ರಿಯೆ ಇದೆಯಲ್ಲ ಅದನ್ನು ಸ್ವತಃ ಅನುಭವಿಸಿಯೇ ತೀರಬೇಕು ಎಂದು ಬರೆದುಕೊಂಡಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.