ಬುಧವಾರ, ನವೆಂಬರ್ 13, 2019
18 °C

ರಕ್ಷಣಾ ಕಾರ್ಯಾಚರಣೆ ಮುಂದುವರಿಕೆ

Published:
Updated:

ಬೀಜಿಂಗ್ (ಪಿಟಿಐ): ಇಲ್ಲಿನ ಭೂಕಂಪ ಪೀಡಿತ ಸಿಚುವಾನ್ ಪ್ರದೇಶಗಳಲ್ಲಿ ರಕ್ಷಣಾ ಕಾರ್ಯ ಮುಂದುವರಿದಿದ್ದು, ಹಲವೆಡೆ ವಾಯುಪಡೆ ವಿಮಾನದ ಮೂಲಕ ನೀರು ಮತ್ತು ಇತರ ಅವಶ್ಯಕ ಸಾಧನಗಳನ್ನು ನೀಡಲಾಯಿತು.



ಇದುವರೆಗೆ ಸುಮಾರು 2.6 ಟನ್‌ಗಳಷ್ಟು ಅಗತ್ಯ ವಸ್ತುಗಳನ್ನು ಪೂರೈಸಲಾಗಿದೆ. ಘಟನೆಯಲ್ಲಿ ಸುಮಾರು 12,000 ದಷ್ಟು ಜನರು ಗಾಯಗೊಂಡಿದ್ದು, ಸುಮಾರು ಸಾವಿರಕ್ಕೂ ಹೆಚ್ಚು ಜನರ ಸ್ಥಿತಿ ಚಿಂತಾಜನಕವಾಗಿದೆ.

ಭೂಕಂಪನಕ್ಕೆ ಹೆದರಿದ ಪಾಂಡಾಗಳು...

ಬೀಜಿಂಗ್ (ಐಎಎನ್‌ಎಸ್): ಚೀನಾದ ಸಿಚುವಾನ್‌ನಲ್ಲಿ ಸಂಭವಿಸಿದ ಭಾರಿ ಭೂಕಂಪನದಿಂದ ಅಪರೂಪದ ಜೀವಸಂಕುಲವಾಗಿರುವ ಇಲ್ಲಿನ ದೈತ್ಯಾಕಾರದ ಪಾಂಡಾಗಳು ಹೆದರಿಕೊಂಡಿದ್ದು, ಅವುಗಳಲ್ಲಿ ಧೈರ್ಯ  ತುಂಬುವ (ಮನೋವೈಜ್ಞಾನಿಕ ಚಿಕಿತ್ಸೆ) ಕೆಲಸಕ್ಕೆ ಸರ್ಕಾರ ಮುಂದಾಗಿದೆ.



ಭೂಕಂಪನದಿಂದ ಪಾಂಡಾಗಳು ಸಾವನ್ನಪ್ಪಿರುವ ಅಥವಾ ಗಾಯಗೊಂಡಿರುವ ಬಗ್ಗೆ ಎಲ್ಲಿಯೂ ವರದಿಯಾಗಿಲ್ಲ. ಆದರೆ, ಘಟನೆಯಿಂದ ಅವುಗಳು ಹೆದರಿಕೊಂಡಿವೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.



ಭೂಕಂಪನದ ಕೇಂದ್ರ ಬಿಂದು ಲಾಂಗ್‌ಮೆನ್ ಕೌಂಟಿಯಿಂದ 50 ಕಿ.ಮೀ ದೂರದ ಯಾಆ್ಯನ್ ಪಾಂಡಾಗಳ ಪ್ರಮುಖ ವಾಸ ಕೇಂದ್ರವಾಗಿದೆ.  

ಪ್ರತಿಕ್ರಿಯಿಸಿ (+)