ರೂ3,987 ಕೋಟಿ ಸಾಲ ವಿತರಣೆ

7

ರೂ3,987 ಕೋಟಿ ಸಾಲ ವಿತರಣೆ

Published:
Updated:

ಬೆಂಗಳೂರು: `12 ಲಕ್ಷ ಸಣ್ಣ ರೈತರು ಸೇರಿದಂತೆ ಒಟ್ಟು 17 ಲಕ್ಷ ರೈತರಿಗೆ ಒಟ್ಟು ರೂ3,987 ಕೋಟಿ ಸಾಲ ವಿತರಿಸಲಾಗಿದೆ~ ಎಂದು ಕರ್ನಾಟಕ ರಾಜ್ಯ ಸಹಕಾರಿ ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕಿನ ಅಧ್ಯಕ್ಷ ಎ.ಆರ್.ಶಿವರಾಮ್ ತಿಳಿಸಿದರು.



`ಕೃಷಿ ಉದ್ದೇಶಗಳಿಗಾಗಿ 1.73 ಲಕ್ಷ ಮಹಿಳೆಯರಿಗೆ ರೂ468 ಕೋಟಿ ಹಾಗೂ ಪರಿಶಿಷ್ಟ ಜಾತಿ ಮತ್ತು ಪಂಗಡದ 94 ಸಾವಿರ ಫಲಾನುಭವಿಗಳಿಗೆ ರೂ158 ಕೋಟಿ ಸಾಲ ನೀಡಲಾಗಿದೆ~ ಎಂದು ಅವರು ಇತ್ತೀಚೆಗೆ ಪತ್ರಿಕಾಗೊಷ್ಠಿಯಲ್ಲಿ ಹೇಳಿದರು.



`ಅತಿವೃಷ್ಟಿ, ಅನಾವೃಷ್ಟಿ ಕಾರಣಗಳಿಗಾಗಿ ಸಾಲ ವಸೂಲಾತಿ ಕುಂಠಿತಗೊಂಡಿದೆ. ಈ ಸಂಕಷ್ಟದಿಂದ ಪಾರಾಗಲು ಠೇವಣಿ ಸಂಗ್ರಹ, ಚಿನ್ನದ ಮೇಲೆ ಸಾಲ, ಇ- ಸ್ಟಾಂಪಿಂಗ್ ಮೊದಲಾದ ಕಾರ್ಯಚಟುವಟಿಕೆಗಳತ್ತ ಬ್ಯಾಂಕು ತನ್ನ ವ್ಯಾಪ್ತಿಯನ್ನು ವಿಸ್ತರಿಸಿಕೊಂಡಿದೆ~ ಎಂದು ಅವರು ನುಡಿದರು.

 

`ಬ್ಯಾಂಕಿನ ನೌಕರರ ಬಲ ಕುಗ್ಗಿದ್ದು, ಇರುವ ನೌಕರರಿಂದಲೇ ಹೆಚ್ಚಿನ ಪ್ರಗತಿ ಸಾಧಿಸಬೇಕಾಗಿದೆ. ರೈತರ ಮನವೊಲಿಸುವ ಮೂಲಕ ವಸೂಲಾತಿಯ ಗುರಿ ಮುಟ್ಟಲು ಉದ್ದೇಶಿಸಲಾಗಿದೆ. ರೈತರು ಸ್ವಯಂ ಪ್ರೇರಿತರಾಗಿ ಸಾಲ ಮರುಪಾವತಿ ಮಾಡಬೇಕು~ ಎಂದು ಅವರು ಮನವಿ ಮಾಡಿದರು.



 ಕೃಷಿ ಯಂತ್ರೋಪಕರಣಗಳು, ಸಣ್ಣ ಸಾರಿಗೆ ಮತ್ತು ಹೈನುಗಾರಿಕೆ ಸಾಲಗಳನ್ನು ವಿಮೆಗೆ ಒಳಪಡಿಸುವುದರಿಂದ ರೈತರಿಗೆ ಒಂದೇ ಸೂರಿನಡಿ ಸಾಲ ಮತ್ತು ವಿಮಾ ಸೌಲಭ್ಯ ಸಿಗುತ್ತಿದೆ~ ಎಂದು ಅವರು  ವಿವರಿಸಿದರು.

 ಬ್ಯಾಂಕಿನ ಉಪಾಧ್ಯಕ್ಷ ಬಿ.ರಾಮಚಂದ್ರಪ್ಪ ಬೆಳ್ಳೂಡಿ, ನಿರ್ದೇಶಕರಾದ ಸಂಜಯ್ ನಾಯಕ್, ಶಂಕರಗೌಡ ಪಾಟೀಲ್, ವ್ಯವಸ್ಥಾಪಕ ನಿರ್ದೇಶಕ ಸಿ.ಎಸ್.ವೀರೇಶ್, ಕಾರ್ಯದರ್ಶಿ ವೈ.ಎಚ್.ಗೋಪಾಲಕೃಷ್ಣ ಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry