ರೋಣದಲ್ಲಿ ಹತ್ತು ಪೈಸೆಗೆ ಒಂದು ಲೀಟರ್ ಶುದ್ಧ ನೀರು

7

ರೋಣದಲ್ಲಿ ಹತ್ತು ಪೈಸೆಗೆ ಒಂದು ಲೀಟರ್ ಶುದ್ಧ ನೀರು

Published:
Updated:

ರೋಣ: ಈಗಾಗಲೇ ಮುಂದುವರಿದ ರಾಷ್ಟ್ರಗಳಾದ ಅಮೆರಿಕಾ ಇಂಗ್ಲೆಂಡ್, ಸಿಂಗಾಪುರ ರಾಷ್ಟ್ರಗಳಲ್ಲಿ ಜನತೆಗೆ ಯಾವ ರೀತಿಯಾಗಿ ಶುದ್ಧ ಕುಡಿಯುವ ನೀರನ್ನು ಪೂರೈಸಲಾಗುತ್ತಿದೆಯೊ ಅಂತಹ ಆಧುನಿಕ ತಂತ್ರಜ್ಞಾನವನ್ನು ಒಳಗೊಂಡ ಶುದ್ಧ ಕುಡಿಯುವ ನೀರಿನ ಪೂರೈಕೆ ಘಟಕವನ್ನು ರೈತ ಜಿ.ಎಚ್.ರಡ್ಡೇರವರು ರೋಣದ ಜನತೆಗೆ ನೀಡಿದ್ದಾರೆ ಎಂದು ರೋಣ ಗುಲಗಂಜಿಮಠದ ಗುರುಪಾದ ದೇವರು ಹೇಳಿದರು.



ಅವರು ಗುರುವಾರ, ಪಟ್ಟಣದ ಜಿ. ಎಚ್. ರಡ್ಡೇರವರ ಮನೆಯ ಆವರಣದಲ್ಲಿ ಶುದ್ದ ಕುಡಿಯುವ ನೀರಿನ ಘಟಕ ಉದ್ಘಾಟಿಸಿ ಮಾತನಾಡಿದರು. ಜನತೆ ಇವುಗಳನ್ನು ಸಮರ್ಪಕವಾಗಿ ಬಳಸಿಕೊಂಡು ನೀರಿನ ದೋಷದಿಂದ ಉಂಟಾಗುವ ರೋಗಗಳಿಂದ ಮುಕ್ತರಾಗಿ ಆರೋಗ್ಯ ಕಾಪಾಡಿಕೊಳ್ಳಲು ಮುಂದಾಗಬೇಕು ಎನ್ನುವ ದಿಶೆಯಲ್ಲಿ ರಡ್ಡೇರರವರು ತಮ್ಮ ಸ್ವಂತ ಬಂಡವಾಳದಿಂದ ಇಂತಹ ಸಾಮಾಜಿಕ ಕಾರ್ಯಕ್ಕೆ ಇಳಿದಿರುವುದು ಶ್ಲಾಘನೀಯ. 



ಪಟ್ಟಣದ ಜನತೆ ಇದರ ಸೌಕರ್ಯವನ್ನು ಪರಿಣಾಮಕಾರಿಯಾಗಿ ಬಳಸಿಕೊಳ್ಳಬೇಕು ಎಂದರು.

ಸಮಾರಂಭದಲ್ಲಿ ಯುವ ಕಾಂಗ್ರೆಸ್ ಮುಖಂಡ ಮಿಥುನ ಪಾಟೀಲ, ಪುರಸಭೆ ಉಪಾಧ್ಯಕ್ಷ ಹುಚ್ಚಪ್ಪ ನವಗುಂದ, ರಾಜಣ್ಣ ಹೂಲಿ, ಬಸವರಾಜ ಕೊಟಗಿ, ಎಂ.ಆರ್. ಗರಗ, ನಾಗಪ್ಪ ದೇಶಣ್ಣವರ, ಸಿದ್ದು ಪಾಟೀಲ, ಸಂಗು ನವಲಗುಂದ, ವೀರಣ್ಣ ಹೊರಕೇರಿ, ವೀರಯ್ಯ ಜಾವುರ, ಶರಣಪ್ಪ ಹವಳಪ್ಪನವರ, ಮಲ್ಲು ಪೂಜಾರ ಮತ್ತಿತರರು ಉಪಸ್ಥಿತರಿದ್ದರು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry