ವಡಿವೇಲು ಮೇಲೆ ಚಪ್ಪಲಿ ಎಸೆತ

ಶ್ರೀರಂಗಂ (ಪಿಟಿಐ): ಎಐಎಡಿಎಂಕೆ ಮುಖ್ಯಸ್ಥೆ ಜಯಲಲಿತಾ ಅವರು ಸ್ಪರ್ಧಿಸಿರುವ ಈ ಕ್ಷೇತ್ರದಲ್ಲಿ ಡಿಎಂಕೆ ಪರ ಪ್ರಚಾರ ಮಾಡುತ್ತಿದ್ದ ತಮಿಳು ಚಿತ್ರರಂಗದ ಹಾಸ್ಯನಟ ವಡಿವೇಲು ಅವರತ್ತ ಚಪ್ಪಲಿಗಳನ್ನು ಎಸೆದ ಘಟನೆ ನಡೆದಿದೆ.



ವಡಿವೇಲು ಅವರು ಡಿಎಂಡಿಕೆ ಮುಖಂಡ ವಿಜಯಕಾಂತ್ ಅವರ ವಿರುದ್ಧ ಆಕ್ಷೇಪಾರ್ಹ ಪದಗಳನ್ನು ಬಳಿಸಿದ್ದರಿಂದ ಕುಪಿತಗೊಂಡ ಆ ಪಕ್ಷದ ಕಾರ್ಯಕರ್ತರು ಚಪ್ಪಲಿಗಳನ್ನು ತೂರಿ ಪ್ರತಿಭಟಿಸಿದರು. ತಕ್ಷಣ ಭಾಷಣವನ್ನು ಮೊಟಕುಗೊಳಿಸಿ ವಡಿವೇಲು ಜಾಗ ಖಾಲಿ ಮಾಡಿದರು.