ವಸ್ತ್ರ ಸಂಹಿತೆ: ಆಕ್ರೋಶ

ಬೀಜಿಂಗ್ (ಐಎಎನ್‌ಎಸ್): ಲೈಂಗಿಕ ಕಿರುಕುಳ ತಪ್ಪಿಸಿಕೊಳ್ಳುವ ಸಲುವಾಗಿ `ಸಭ್ಯ ಉಡುಗೆ~ ತೊಡುವಂತೆ ಕಂಪೆನಿಯೊಂದು ಮಹಿಳಾ ಪ್ರಯಾಣಿಕರನ್ನು ಕೋರಿಕೊಂಡಿರುವ ವಿಷಯ ಇದೀಗ ಸಾರ್ವಜನಿಕ ಚರ್ಚೆಗೆ ಗ್ರಾಸವಾಗಿದೆ.



ಶಾಂಘೈ ಮೆಟ್ರೊ  ರೈಲು ಓಡಿಸುವ ಸಂಸ್ಥೆ, `ಲೈಂಗಿಕ ಕಿರುಕುಳ ಇಲ್ಲದಂತೆ ಮಾಡಲು ಎಲ್ಲಾ ಮಹಿಳಾ ಪ್ರಯಾಣಿಕರು  ಅರೆಬರೆ ದಿರಿಸು ಬಿಟ್ಟು ಸರಳವಾದ ಉಡುಗೆ ಧರಿಸಬೇಕು~ ಎಂದು ತನ್ನ ಅಧಿಕೃತ ಬ್ಲಾಗ್‌ನಲ್ಲಿ ಕೋರಿಕೊಂಡಿದೆ.



ಕಿರುಕುಳ ನೀಡುವ ಪುರುಷರಿಗೆ ಉಪದೇಶ ನೀಡದೆ ಮಹಿಳೆಯರಿಗೆ ವಸ್ತ್ರ ಸಂಹಿತೆ ಬಗ್ಗೆ ಪಾಠ ಹೇಳುತ್ತಿದೆ ಎಂದು ಹಲವರು ಕಂಪೆನಿಯ ವಿರುದ್ಧದ ತಮ್ಮಅಸಮಾಧಾನವನ್ನು ಸಾಮಾಜಿಕ ಸಂಪರ್ಕ ತಾಣಗಳಲ್ಲಿ ಹರಿಬಿಟ್ಟಿದ್ದಾರೆ.