ಶನಿವಾರ, ಜನವರಿ 18, 2020
20 °C

ವಿದೇಶಿ ಚುಟುಕು ಸುದ್ದಿಗಳು...

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಭಾರತದ ವಿದ್ಯಾರ್ಥಿಗೆ ಪ್ರಶಸ್ತಿ

ಮೆಲ್ಬರ್ನ್ (ಪಿಟಿಐ):
ಆಸ್ಟ್ರೇಲಿಯಾದಲ್ಲಿ ಅಧ್ಯಯನ ಮಾಡುವುದರಿಂದ ಕನಸುಗಳನ್ನು ನನಸಾಗಿಸಿಕೊಳ್ಳಲು ಸಾಧ್ಯ ಎಂಬುದನ್ನು ಪ್ರಚಾರ ಮಾಡುವ ಉದ್ದೇಶದಿಂದ ಏರ್ಪಡಿಸಲಾಗಿದ್ದ ಜಾಗತಿಕ ಆನ್‌ಲೈನ್‌ ಡಿಜಿಟಲ್‌ ಪೋಸ್ಟ್‌ಕಾರ್ಡ್ ಸ್ಪರ್ಧೆಯಲ್ಲಿ 22ವರ್ಷದ ಭಾರತದ ವಿದ್ಯಾರ್ಥಿ ಉತ್ತಮ ಕುಮಾರ್‌ ವಿಜೇತರಾಗಿದ್ದಾರೆ.



ಹರಿಯಾಣದ ಸಣ್ಣ ಹಳ್ಳಿಯವರಾದ ಉತ್ತಮ ಕುಮಾರ್‌ ದೆಹಲಿಯ ಐಐಟಿಯಲ್ಲಿ ವ್ಯಾಸಂಗ ಮಾಡುತ್ತಿದ್ದು, ಈ ಜಾಗತಿಕ ಆನ್‌ಲೈನ್‌ ಸ್ಪರ್ಧೆಯಲ್ಲಿ ಮೊದಲ ಸ್ಥಾನ ಪಡೆದಿದ್ದಾರೆ. 190 ರಾಷ್ಟ್ರಗಳ 37 ಸಾವಿರ ಜನರು ಈ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಏಳು ವಾರಗಳ ಕಾಲ ಈ ಸ್ಪರ್ಧೆ ನಡೆದಿದೆ.



ವೇಗದಲ್ಲಿ ನೀರು ಕುದಿಸುವ ಹೊಸವಿಧಾನ

ಬರ್ಲಿನ್‌ (ಪಿಟಿಐ):
ಭಾರತ ಮೂಲದ ತಜ್ಞರೊಬ್ಬರನ್ನು ಒಳಗೊಂಡ ವಿಜ್ಞಾನಿ­ಗಳ ತಂಡವೊಂದು ಅತಿ ವೇಗವಾಗಿ ಅಂದರೆ ಅರ್ಧ ಪೈಕೊಸೆಕೆಂಡಿನಲ್ಲಿ ನೀರನ್ನು ಕುದಿಸುವ ಹೊಸ ವಿಧಾನವೊಂದನ್ನು ಅಭಿವೃದ್ಧಿ ಪಡಿಸಿದೆ ಎಂದು ಹೇಳಲಾಗಿದೆ.



ಈ ಹೊಸ ವಿಧಾನದ ಪಠ್ಯದ ಕಲ್ಪನೆ­ಯನ್ನು ಮಾತ್ರ ಸದ್ಯ ರೂಪಿಸಲಾಗಿದ್ದು, ಪ್ರಾಯೋಗಿಕವಾಗಿ ಇನ್ನಷ್ಟೇ ಪರೀಕ್ಷೆ ನಡೆಸಬೇಕಾಗಿದೆ.

ಹೊಸ ವಿಧಾನದಲ್ಲಿ ಅರ್ಧ ಪೈಕೊಸೆಕೆಂಡ್‌ (ಪೈಕೊಸೆಕೆಂಡ್‌=0.000 000 000 001 ಸೆಕೆಂಡ್‌) ಅವಧಿಯಲ್ಲಿ ಸ್ವಲ್ಪ ಪ್ರಮಾಣದ ನೀರು 600 ಡಿಗ್ರಿ ಸೆಲ್ಸಿಯಸ್‌ ಉಷ್ಣತೆಯಲ್ಲಿ ಕುದಿಯು­ತ್ತದೆ. ಅಂದರೆ ಕಣ್ ರೆಪ್ಪೆ ಮಿಟುಕಿಸುವ ಅವಧಿಗಿಂತಲೂ ಕಡಿಮೆ ಸಮಯದಲ್ಲಿ ನೀರು ಕುದಿಯುತ್ತದೆ.



ಡಿ.24: ಮಾತುಕತೆಗೆ ಪಾಕ್‌ ಆಹ್ವಾನ

ಇಸ್ಲಾಮಾಬಾದ್‌(ಪಿಟಿಐ):
ಗಡಿ ನಿಯಂತ್ರಣ ರೇಖೆಯಲ್ಲಿನ ಬಿಕ್ಕಟ್ಟು ಬಗೆಹರಿಸಲು ಹಾಗೂ ಕದನ ವಿರಾಮ ಉಲ್ಲಂಘನೆ ಆಗದಂತೆ ನೋಡಿಕೊಳ್ಳುವ ಕುರಿತು ಈ ತಿಂಗಳ ೨೪ರಂದು ಮಾತುಕತೆ ನಡೆಸಲು ಪಾಕಿಸ್ತಾನದ ಸೇನಾ ಕಾರ್ಯಾಚರಣೆ ಮಹಾ ನಿರ್ದೇಶಕರು ಭಾರತದ ತಮ್ಮ ಸಹವರ್ತಿಗೆ ಆಹ್ವಾನ ನೀಡಿದ್ದಾರೆ.



ಮೂರು ತಿಂಗಳ ಹಿಂದೆ ಉಭಯ ದೇಶಗಳ ಪ್ರಧಾನಿಗಳು ನ್ಯೂಯಾರ್ಕ್‌ನಲ್ಲಿ ನಡೆಸಿದ್ದ ಸಭೆಯ ತೀರ್ಮಾನದ ಅನುಸಾರ ಈ ಮಾತುಕತೆಯನ್ನು ಏರ್ಪಡಿಸಲಾಗಿದೆ. ಆದರೆ  ಮಾತುಕತೆ ನಡೆಯುವ ಸ್ಥಳದ ಬಗ್ಗೆ ಯಾವುದೇ ಮಾಹಿತಿ ನೀಡಿಲ್ಲ ಎಂದು ತಿಳಿದು ಬಂದಿದೆ.



ಆಸ್ಕರ್‌ಗೆ ‘ಕಾಮಸೂತ್ರ 3ಡಿ’ ಹಾಡುಗಳು

ಲಾಸ್‌ ಏಂಜಲೀಸ್‌ (ಪಿಟಿಐ):
ಕೇರಳ ಮೂಲದ ಚಿತ್ರ ತಯಾರಕ ರೂಪೇಶ್‌ ಪಾಲ್‌ ಅವರ ಬಹು ಭಾಷಾ ಚಿತ್ರ ‘ಕಾಮಸೂತ್ರ 3ಡಿ’ಯ ಐದು ಹಾಡುಗಳು 86ನೇ ವರ್ಷದ ಆಸ್ಕರ್‌ ಪ್ರಶಸ್ತಿಯ ಮೂಲ ಹಾಡುಗಳ ವಿಭಾಗದಲ್ಲಿ ಸ್ಪರ್ಧಿಸಲಿವೆ.  ಈ ವಿಭಾಗದಲ್ಲಿ ಒಟ್ಟು 75 ಹಾಡುಗಳು ಪ್ರಶಸ್ತಿಗಾಗಿ ಸೆಣಸಲಿವೆ.

ಪ್ರತಿಕ್ರಿಯಿಸಿ (+)