ವಿದೇಶಿ ಹೂಡಿಕೆ ಹಿಂತೆಗೆತ `ತಿಂಗಳ ಗರಿಷ್ಠ'

ನವದೆಹಲಿ(ಪಿಟಿಐ): ಭಾರತದ ಷೇರುಪೇಟೆ, ಸಾಲ ಭದ್ರತಾಪತ್ರ ಸೇರಿದಂತೆ ಹಣಕಾಸು ಮಾರುಕಟ್ಟೆಯ ವಿವಿಧ ವಿಭಾಗಗಳಲ್ಲಿ ತೊಡಗಿಸಿದ್ದ ಬಂಡವಾಳದಲ್ಲಿ 750 ಕೋಟಿ ಡಾಲರ್(ರೂ44,162 ಕೋಟಿ)ಗಳನ್ನು ವಿದೇಶಿ ಹೂಡಿಕೆದಾರರು ಜೂನ್ ನಲ್ಲಿ ಹಿಂದಕ್ಕೆ ತೆಗೆದುಕೊಂಡಿದ್ದಾರೆ.



ವಿದೇಶಿ ವಿನಿಮಯ ಮಾರುಕಟ್ಟೆಯಲ್ಲಿ ರೂಪಾಯಿ ತೀವ್ರವಾಗಿ ಅಪಮೌಲ್ಯಗೊಂಡಿದ್ದೇ ಅವರ ಈ ನಡವಳಿಕೆಗೆ ಕಾರಣವಾಯಿತು.



ಇತ್ತೀಚಿನ ಅವಧಿಯಲ್ಲಿ ಒಂದೇ ತಿಂಗಳಲ್ಲಿನ ಇಷ್ಟೊಂದು ಪ್ರಮಾಣದಲ್ಲಿ ವಿದೇಶಿ ಹೂಡಿಕೆದಾರರು ತಮ್ಮ ಬಂಡವಾಳ ಹಿಂತೆಗೆದುಕೊಂಡಿರಲಿಲ್ಲ.