ವಿದೇಶ ಸಂಕ್ಷಿಪ್ತ ಸುದ್ದಿಗಳು

7

ವಿದೇಶ ಸಂಕ್ಷಿಪ್ತ ಸುದ್ದಿಗಳು

Published:
Updated:

`ಚಂದ್ರನಲ್ಲಿ ನೀರು: ಸೌರಗಾಳಿ ಕಾರಣ~

ವಾಷಿಂಗ್ಟನ್ (ಪಿಟಿಐ): ಅನೇಕ ಶತಮಾನಗಳಿಂದ ಕುತೂಹಲದ ಕೇಂದ್ರವಾಗಿರುವ ಚಂದ್ರನಲ್ಲಿ ಕಂಡುಬಂದ ನೀರಿನ ಸೆಲೆಯ ಕುರುಹುಗಳ ರಹಸ್ಯವನ್ನು ಅಮೆರಿಕದ ಮಿಚಿಗನ್ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ಭೇದಿಸಿದ್ದಾರೆ. ನಿರಂತರವಾಗಿ ಸೌರಗಾಳಿಯಿಂದ ಹೊರಹೊಮ್ಮುವ ಜಲಜನಕದ ಕಣಗಳು ಚಂದ್ರನ ಮೇಲ್ಮೈಯ ನೀರಿನ ಅಂಶಗಳಿಗೆ ಕಾರಣ ಎಂಬ ತೀರ್ಮಾನಕ್ಕೆ ಬಂದಿದ್ದಾರೆ.



ಕನಿಷ್ಕ: ಶಿಕ್ಷೆ ಕೈಬಿಡಲು ಮನವಿ

ಟೊರಾಂಟೊ (ಪಿಟಿಐ): ಏರ್ ಇಂಡಿಯಾ ವಿಮಾನ `ಕನಿಷ್ಕಾ~ಸ್ಫೋಟ ಪ್ರಕರಣದಲ್ಲಿ ಶಿಕ್ಷೆಗೊಳಪಟ್ಟಿರುವ ಏಕೈಕ ಆರೋಪಿ ಇಂದ್ರಜಿತ್ ಸಿಂಗ್ ರೆಯಾತ್ ಎಂಬಾತ ಸುಳ್ಳುಸಾಕ್ಷ್ಯ ಹೇಳಿದ ಆರೋಪದ ಮೇಲೆ ತನಗೆ ವಿಧಿಸಿರುವ ಶಿಕ್ಷೆಯನ್ನು ರದ್ದು ಮಾಡಬೇಕೆಂದು ಕೋರಿ ಕೆನಡಾ ಸುಪ್ರೀಂ   ಕೋರ್ಟ್‌ಗೆ ಮೇಲ್ಮನವಿ ಸಲ್ಲಿಸಿದ್ದಾನೆ.



1985ರಲ್ಲಿ ನಡೆದ ಈ ಸ್ಫೋಟ ಪ್ರಕರಣದಲ್ಲಿ 329 ಮಂದಿ ಮೃತಪಟ್ಟಿದ್ದರು. ಈ ಪ್ರಕರಣದಲ್ಲಿ ತಪ್ಪೊಪ್ಪಿಕೊಂಡ ಈತನಿಗೆ ಸುಳ್ಳುಸಾಕ್ಷ್ಯ ಹೇಳಿದ ಆರೋಪದ ಮೇಲೆ  2010ರ ಸೆಪ್ಟೆಂಬರ್‌ನಲ್ಲಿ ಶಿಕ್ಷೆ ವಿಧಿಸಲಾಗಿತ್ತು. ನಂತರದಲ್ಲಿ 9 ವರ್ಷ ಜೈಲು ಶಿಕ್ಷೆ ವಿಧಿಸಲಾಗಿತ್ತು.



2003ರಲ್ಲಿ ನಡೆದ ವಿಚಾರಣೆ ವೇಳೆ 19 ಬಾರಿ ಸುಳ್ಳು ಹೇಳಿದ ಆರೋಪ ಈತನ ಮೇಲಿದೆ.



`ಮ್ಯಾಜಿಕ್ ಬುಲೆಟ್~ ಕ್ಷಿಪಣಿ

ವಾಷಿಂಗ್ಟನ್ (ಪಿಟಿಐ): `ಅಲ್ ಖೈದಾ ಮುಖ್ಯಸ್ಥ ಒಸಾಮ ಬಿನ್ ಲಾಡೆನ್‌ನ ಅಡಗುದಾಣದ ಮೇಲೆ ದಾಳಿ ನಡೆಸಲು ಅಮೆರಿಕವು ಆಗತಾನೇ ಅಭಿವೃದ್ಧಿಪಡಿಸಿದ `ಮ್ಯಾಜಿಕ್   ಬುಲೆಟ್~ ಕ್ಷಿಪಣಿ ಬಳಸುವ ಬಗ್ಗೆ ವಿಚಾರ ಮಾಡಿತ್ತು~ ಎನ್ನುವ ಅಂಶವನ್ನು ಮಾರ್ಕ್ ಬೌಡೆನ್ ಬರೆದಿರುವ `ದಿ ಫಿನಿಷ್: ದಿ ಕಿಲ್ಲಿಂಗ್ ಆಫ್ ಒಸಾಮ ಬಿನ್ ಲಾಡೆನ್~ ಪುಸ್ತಕದಲ್ಲಿ ಪ್ರಸ್ತಾಪಿಸಲಾಗಿದೆ.



ಮೊಣಕೈ ಗಾತ್ರದ ಈ ಕ್ಷಿಪಣಿಯನ್ನು ರೇಥಿಯಾನ್  ಜಿಪಿಎಸ್ ಅಭಿವೃದ್ಧಿಪಡಿಸಿದ್ದು, ಇದನ್ನು ಚಿಕ್ಕ ಡ್ರೋಣ್‌ಗೆ ಅಳವಡಿಸಬಹುದು.



ಇದನ್ನು ಬಳಸುವುದರ ಬಗ್ಗೆ ಬರಾಕ್ ಒಬಾಮ ಅವರಿಗೆ ಸಲಹೆ ಮಾಡಿದ್ದು ಅಂದಿನ ಸೇನಾಪಡೆ ಜಂಟಿ ಮುಖ್ಯಸ್ಥರ ಸಮಿತಿ ಉಪಾಧ್ಯಕ್ಷ ಜೇಮ್ಸ ಕಾರ್ಟ್‌ರೈಟ್.



ಈ ಕ್ಷಿಪಣಿಯು ಒಬ್ಬ ವ್ಯಕ್ತಿಯನ್ನು ಅಥವಾ ಒಂದು ವಾಹನವನ್ನು ಅದರ ಸಮೀಪದ ಇತರ ವಸ್ತುಗಳಿಗೆ ಹಾನಿ ಮಾಡದೇ ಗುರಿಮಾಡಬಲ್ಲದು ಎಂದು ಕಾರ್ಟ್‌ರೈಟ್ ತಿಳಿಸಿದ್ದರು. ಅಬೋಟಾಬಾದ್‌ನಲ್ಲಿ ಲಾಡೆನ್ ಅಡಗುದಾಣದ ಮೇಲೆ ದಾಳಿ ನಡೆಸುವಂತೆ ಒಬಾಮ ಆದೇಶ ನೀಡುವ ಕೆಲವೇ ದಿನಗಳ ಮುನ್ನ ಈ ಹೊಸ ತಂತ್ರಜ್ಞಾನವನ್ನು ದಾಳಿಯಲ್ಲಿ ಬಳಸಿಕೊಳ್ಳುವ ಬಗ್ಗೆ ಚರ್ಚೆ ನಡೆದಿತ್ತು.



ಮೆಕ್ಸಿಕೊದಲ್ಲಿ ಪತ್ರಕರ್ತನ ಹತ್ಯೆ

ತಿಜುವಾನಾ/ ಮೆಕ್ಸಿಕೊ (ಐಎಎನ್‌ಎಸ್/ಇಎಫ್‌ಇ): ಪತ್ರಕರ್ತನೊಬ್ಬನನ್ನು ಅಪಹರಿಸಿ ಹತ್ಯೆ ಮಾಡಿರುವ ಘಟನೆ ಸೋಮವಾರ ಇಲ್ಲಿ ನಡೆದಿದೆ.



ವೆಬ್‌ಸೈಟ್‌ವೊಂದರ ಸಂಪಾದಕ ಮತ್ತು ಛಾಯಾಗ್ರಾಹಕ ರಾಮೊನ್ ಅಬೆಲ್ ಲೊಪೆಜ್ ಅಗ್ವಿಲರ್ (53) ಎಂಬುವವರೇ ಹತ್ಯೆಯಾದವರು. ಇಲ್ಲಿ 2000ನೇ ಇಸ್ವಿಯಿಂದ ಇಲ್ಲಿಯವರೆಗೆ 80 ಪತ್ರಕರ್ತರು ಹತ್ಯೆಯಾಗಿದ್ದಾರೆ.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry