ವಿಲಾಸಿ ಬದುಕೂ ದುಬಾರಿ

ಬುಧವಾರ, ಮೇ 22, 2019
29 °C

ವಿಲಾಸಿ ಬದುಕೂ ದುಬಾರಿ

Published:
Updated:

ನವದೆಹಲಿ (ಪಿಟಿಐ): ಆಹಾರ ಮತ್ತು ಇಂಧನ ಬೆಲೆಗಳು ನಿರಂತರವಾಗಿ ಏರುತ್ತಿರುವುದು ಜನಸಾಮಾನ್ಯರಿಗೆ ಸಾಕಷ್ಟು ಬಿಸಿ ಮುಟ್ಟಿಸ್ದ್ದಿದರೂ, ಇದರಿಂದ ಶ್ರೀಮಂತರೇನೂ ಪಾರಾಗಿಲ್ಲ. ಅವರ ವಿಲಾಸಿ ಬದುಕೂ ದುಬಾರಿಗೊಂಡಿದೆ.



ಭಾರತ ಸೇರಿದಂತೆ ಏಷ್ಯಾ ಪೆಸಿಫಿಕ್ ಪ್ರದೇಶದ ದೇಶಗಳಲ್ಲಿ, ಶ್ರೀಮಂತರ ಐಷಾರಾಮಿ ಬದುಕು ಕೂಡ ಇತ್ತೀಚಿನ ದಿನಗಳಲ್ಲಿ ಬೆಲೆ ಏರಿಕೆಯಿಂದ ಸಾಕಷ್ಟು ದುಬಾರಿಗೊಂಡಿದೆ. ಹಣದುಬ್ಬರದಿಂದ ಶ್ರೀಮಂತ ಕುಳಗಳಿಗೆ ತಂದೊಡ್ಡಿರುವ ತಲೆಬಿಸಿ ಬಗ್ಗೆ ಇದೇ ಮೊದಲ ಬಾರಿಗೆ ನಡೆದಿರುವ ಅಧ್ಯಯನವು, ಹಲವು ಕುತೂಹಲಕಾರಿ ಸಂಗತಿ ಬಹಿರಂಗಗೊಳಿಸಿದೆ.



ಜೀವನಶೈಲಿಯ ದುಬಾರಿ ಉತ್ಪನ್ನಗಳು ಕೂಡ  ಭಾರತ ಸೇರಿದಂತೆ ಏಷ್ಯಾ ಪೆಸಿಫಿಕ್ ಪ್ರದೇಶದಲ್ಲಿ ಕಳೆದ ಒಂದು ವರ್ಷದಲ್ಲಿ ಶೇ 12ರಷ್ಟು ತುಟ್ಟಿಯಾಗಿವೆ ಎಂದು ಸ್ವಿಟ್ಜರ್‌ಲೆಂಡ್‌ನ ಪ್ರಮುಖ ಬ್ಯಾಂಕ್ ಜೂಲಿಯಸ್ ಬೇರ್ ನಡೆಸಿದ ಅಧ್ಯಯನವು ತಿಳಿಸಿದೆ.



ಶ್ರೀಮಂತರು ಬಳಸುವ ದುಬಾರಿ ಜೀವನಶೈಲಿ ಉತ್ಪನ್ನಗಳ ಬೆಲೆ ಅಳೆಯುವ `ಜೀವನಶೈಲಿ ಸೂಚ್ಯಂಕ~ವು  ಒಟ್ಟಾರೆ ಗ್ರಾಹಕರ ಬೆಲೆ ಸೂಚ್ಯಂಕಕ್ಕಿಂತ  ಅಧಿಕ ಮಟ್ಟದಲ್ಲಿ ಇದೆ. ಗ್ರಾಹಕರ ಬೆಲೆ ಸೂಚ್ಯಂಕವು  ಶೇ 5ರಷ್ಟಿದ್ದರೆ, ಶ್ರೀಮಂತರ ಜೀವನಶೈಲಿಯ ಸೂಚ್ಯಂಕವು ಶೇ 12ರಷ್ಟಾಗಿದೆ.



ಶ್ರೀಮಂತರು ಬಳಸುವ ವೈವಿಧ್ಯಮಯ ಉತ್ಪನ್ನಗಳು, ಸಿಗಾರ್, ಕ್ಲಬ್ ಸದಸ್ಯತ್ವ, ಮದ್ಯ ಮುಂತಾದ 20 ವಿಲಾಸಿ ಸರಕುಗಳ ಬೆಲೆಗಳು ಮುಂಬೈ, ಸಿಂಗಪುರ, ಶಾಂಘಾಯ್ ಮತ್ತು ಹಾಂಕಾಂಗ್‌ಗಳಲ್ಲಿ ಗಮನಾರ್ಹ ಏರಿಕೆ ಕಂಡಿವೆ. ಒಂದು ವರ್ಷದ ಅವಧಿಯಲ್ಲಿ ಈ ಹೆಚ್ಚಳ ದಾಖಲಾಗಿದೆ.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry