ವಿವೇಕಾನಂದ ಜನ್ಮದಿನಾಚರಣೆ

ಮಂಗಳವಾರ, ಜೂಲೈ 23, 2019
25 °C

ವಿವೇಕಾನಂದ ಜನ್ಮದಿನಾಚರಣೆ

Published:
Updated:

ನೆಲಮಂಗಲ: ಸ್ವಾಮಿ ವಿವೇಕಾನಂದರ 150ನೇ ಜನ್ಮ ವರ್ಷಾಚರಣೆಯ ಪ್ರಯುಕ್ತ ಭವ್ಯ ರಥಯಾತ್ರೆ ನೆಲಮಂಗಲದ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಜಾನಪದ ಕಲಾ ತಂಡಗಳೊಂದಿಗೆ ಈಚೆಗೆ ಸಂಚರಿಸಿತು.



ಪಟ್ಟಣದ ಕವಾಡಿ ಮಠದಿಂದ ಆರಂಭಗೊಂಡ ರಥಯಾತ್ರೆಯು ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ನಂತರ ಪವಾಡ ಬಸವಣ್ಣ ದೇವರ ಮಠದಲ್ಲಿ ಸಮಾವೇಶಗೊಂಡಿತು.



ಯುವ ಸಮ್ಮೇಳನವನ್ನು ತುಮಕೂರಿನ ರಾಮಕೃಷ್ಣ ಆಶ್ರಮದ ವೀರೇಶಾನಂದ ಸರಸ್ವತಿ ಸ್ವಾಮೀಜಿ ಉದ್ಘಾಟಿಸಿ, `ಮೌಲ್ಯಾಧರಿತ ಶಿಕ್ಷಣವನ್ನು ವಿದ್ಯಾರ್ಥಿಗಳಿಗೆ ಕೊಟ್ಟಾಗ ಶಿಕ್ಷಣದ ಉದ್ದೇಶ ಪರಿಪೂರ್ಣವಾಗಿ ಈಡೇರುವುದು. ಜೊತೆಗೆ ಉತ್ತಮ ಸಮಾಜವೂ ನಿರ್ಮಾಣವಾಗುತ್ತದೆ' ಎಂದು ಅವರು ಹೇಳಿದರು.



ಬಸವನಗುಡಿ ಆಶ್ರಮದ ತ್ಯಾಗೀಶ್ವರಾನಂದ ಮಹಾರಾಜ್, `ಸ್ವಾಮಿ ವಿವೇಕಾನಂದರ ಸಂದೇಶವನ್ನು ಇಡೀ ದೇಶಕ್ಕೆ ತಲುಪಿಸುವುದಕ್ಕಾಗಿ ಭವ್ಯ ರಥಯಾತ್ರೆಯನ್ನು ಆಯೋಜಿಸಲಾಗಿದೆ' ಎಂದರು.



ಯಾತ್ರೆಯ ಪ್ರಯುಕ್ತ ಪ್ರೌಢಶಾಲೆ, ಪದವಿಪೂರ್ವ, ಪದವಿ ಕಾಲೇಜು, ಸಾರ್ವಜನಿಕರಿಗೆ ವಿವೇಕಾನಂದರ ವಿಚಾರಧಾರೆಯ ವಿವಿಧ ಸ್ಪರ್ಧೆಗಳನ್ನು ನಡೆಸಿ ಬಹುಮಾನ ಮತ್ತು ಪುಸ್ತಕಗಳನ್ನು ವಿತರಿಸಲಾಯಿತು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry