ವಿಶ್ವಸಂಸ್ಥೆಯ ಸಮಿತಿಗೆ ನಡ್ಡಾ

ವಿಶ್ವಸಂಸ್ಥೆ (ಪಿಟಿಐ): ಕೇಂದ್ರದ ಆರೋಗ್ಯ ಸಚಿವ ಜೆ.ಪಿ. ನಡ್ಡಾ ಅವರನ್ನು ಪ್ರಮುಖ ಆರೋಗ್ಯ ಸಮಸ್ಯೆಗಳ ಕುರಿತ ವಿಶ್ವಂಸ್ಥೆಯ ಉನ್ನತ ಮಟ್ಟದ ಸಲಹಾ ಸಮಿತಿಯೊಂದಕ್ಕೆ ಗುರುವಾರ ಹೆಸರಿಸಲಾಗಿದೆ.



ಮಹಿಳೆಯರು, ಮಕ್ಕಳು ಮತ್ತು ಯುವಜನರು ಎದುರಿಸುವ ಪ್ರಮುಖ ಆರೋಗ್ಯ ಸಂಬಂಧಿ ಸವಾಲುಗಳ ಸಂಬಂಧ ಜಾಗತಿಕ ಮಟ್ಟದಲ್ಲಿ ನಡೆಯುವ ಅಭಿಯಾನದ ಸಲಹಾ ಸಮಿತಿಗೆ ಅವರ ಹೆಸರನ್ನು ಶಿಫಾರಸು ಮಾಡಲಾಗಿದೆ. ಉನ್ನತ ಮಟ್ಟದ ಈ ಸಲಹಾ ಸಮಿತಿಯ ಹೆಸರು ‘ಪ್ರತಿ ಮಹಿಳೆ, ಪ್ರತಿ ಮಗು’. ಚಿಲಿಯ ಅಧ್ಯಕ್ಷೆ, ಇಥಿಯೋಪಿಯಾದ ಪ್ರಧಾನಿ ಅವರು ಈ ಸಮಿತಿಯ ಸಹ ಅಧ್ಯಕ್ಷರಾಗಿದ್ದಾರೆ.