ವಿಶ್ವ ಸ್ನೂಕರ್‌ಗೆ ಭಾರತ ಆತಿಥ್ಯ

ಗುರುವಾರ , ಜೂಲೈ 18, 2019
22 °C

ವಿಶ್ವ ಸ್ನೂಕರ್‌ಗೆ ಭಾರತ ಆತಿಥ್ಯ

Published:
Updated:

ನವದೆಹಲಿ (ಐಎಎನ್‌ಎಸ್): ವಿಶ್ವದ ಪ್ರಮುಖ 64 ಸ್ಪರ್ಧಿಗಳು ಪಾಲ್ಗೊಳ್ಳುವ ವಿಶ್ವ ರ‍್ಯಾಂಕಿಂಗ್ ಸ್ನೂಕರ್ ಟೂರ್ನಿಗೆ ಮೊದಲ ಸಲ ಭಾರತ ಆತಿಥ್ಯ ವಹಿಸಿದೆ. ಅಕ್ಟೋಬರ್ 14ರಿಂದ 18ರ ವರೆಗೆ ನಡೆಯಲಿರುವ ಈ ಟೂರ್ನಿಯಲ್ಲಿ ಆರು ದೇಶಗಳ ಸ್ಪರ್ಧಿಗಳು ಪೈಪೋಟಿ ನಡೆಸಲಿದ್ದಾರೆ.



`ಭಾರತದಲ್ಲಿ ಸ್ನೂಕರ್ ಮತ್ತಷ್ಟು ಖ್ಯಾತಿ ಪಡೆಯಲು ಈ ಟೂರ್ನಿ ನೆರವಾಗಲಿದೆ' ಎಂದು ವಿಶ್ವ ವೃತ್ತಿಪರ ಸ್ನೂಕರ್ ಹಾಗೂ ಬಿಲಿಯರ್ಡ್ಸ್ ಫೆಡರೇಷನ್ ಮುಖ್ಯಸ್ಥ ಜಾಸನ್ ಫರ್ಗ್ಯೂಸನ್ ತಿಳಿಸಿದ್ದಾರೆ.  ಪ್ರಿ ಕ್ವಾರ್ಟರ್ ಫೈನಲ್‌ನಿಂದ  ಪಂದ್ಯಗಳು ಪ್ರಮುಖ ವಾಹಿನಿಗಳಲ್ಲಿ ನೇರ ಪ್ರಸಾರವಾಗಲಿವೆ.



`ವಿಶ್ವ ಸ್ನೂಕರ್ ಭಾರತದಲ್ಲಿಯೇ ನಡೆಯಲಿದೆ. ಆದ್ದರಿಂದ ಪ್ರಮುಖ ಸ್ಪರ್ಧಿಗಳನ್ನು ಕಣಕ್ಕಿಳಿಸಲು ನಿರ್ಧರಿಸಿದ್ದೇವೆ. ಈ ಟೂರ್ನಿಗೂ ಮುನ್ನ ಹಲವು ರ‍್ಯಾಂಕಿಂಗ್ ಟೂರ್ನಿಗಳು ನಡೆಯಲಿವೆ. ಅಲ್ಲಿ ಉತ್ತಮ ಪ್ರದರ್ಶನ ತೋರುವ ಸ್ಪರ್ಧಿಗಳಿಗೆ ಮಹತ್ವದ ವಿಶ್ವ ಸ್ನೂಕರ್‌ನಲ್ಲಿ ಸ್ಪರ್ಧಿಸುವ ಅವಕಾಶ ಲಭಿಸಲಿದೆ' ಎಂದು ಭಾರತ ಸ್ನೂಕರ್ ಹಾಗೂ ಬಿಲಿಯರ್ಡ್ಸ್ ಫೆಡರೇಷನ್ (ಬಿಎಸ್‌ಎಫ್‌ಐ) ತಿಳಿಸಿದೆ.



`ಈ ಟೂರ್ನಿ ಭಾರತದಲ್ಲಿ ಸ್ನೂಕರ್‌ಗೆ ಹೊಸ ಆಯಾಮ ನೀಡಲಿದೆ. ಸಾಕಷ್ಟು ಯುವ ಸ್ಪರ್ಧಿಗಳು ಹೊರಹೊಮ್ಮಲು ನೆರವಾಗಲಿದೆ' ಎಂದು ಬಿಎಸ್‌ಎಫ್‌ಐ ಅಧ್ಯಕ್ಷ ಪಿವಿಕೆ ಮೋಹನ್ ಹೇಳಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry