ವೇತನದಾರರ ಗೋಳು

7

ವೇತನದಾರರ ಗೋಳು

Published:
Updated:

`ರಾಜ್ಯ ಸರ್ಕಾರವು ಆರ್ಥಿಕವಾಗಿ ದುರ್ಬಲರಾದ  ವಿಧವೆಯರು, ಅಂಗವಿಕಲರು ಹಾಗೂ ವೃದ್ಧರಿಗೆ ಪ್ರತಿ ತಿಂಗಳು ವೇತನ ರೂಪದಲ್ಲಿ ಸ್ವಲ್ಪ ಹಣವನ್ನು ನೀಡುತ್ತಿರುವುದರಿಂದ ಅನೇಕರಿಗೆ ಅನುಕೂಲವಾಗಿದೆ.

 

ಆದರೆ ಕಳೆದ 3-4 ತಿಂಗಳಿಂದ ಈ ವೇತನಗಳನ್ನು ನಿಲ್ಲಿಸಲಾಗಿದೆ. ಅನರ್ಹರು ಈ ವೇತನ ಪಡೆಯುತ್ತಿರುವ ಪ್ರಕರಣಗಳು ಕೆಲವು ಜಿಲ್ಲೆಗಳಲ್ಲಿ ಬೆಳಕಿಗೆ ಬಂದಿರುವ ಹಿನ್ನೆಲೆಯಲ್ಲಿ ಪರಿಶೀಲನೆಗಾಗಿ ಎಲ್ಲರ ವೇತನ ತಡೆ ಹಿಡಿಯಲಾಗಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.



ಅನರ್ಹರಿಗೆ ವೇತನ ಮಂಜೂರು ಮಾಡುವಾಗಲೇ ಎಚ್ಚರವಾಗಿರಬೇಕಾದ ಸರ್ಕಾರ ಈಗ ಕಣ್ಣು ತೆರೆದಿದೆ. `ಎತ್ತಿಗೆ ಜ್ವರ ಬಂತೆಂದು ಎಲ್ಲೆಗೂ ಬರೆ ಎಳೆದರು~ ಎಂಬ ಗಾದೆ ಮಾತಿದೆ. ಅನರ್ಹರನ್ನು ಪತ್ತೆ ಹಚ್ಚುವುದಕ್ಕಾಗಿ ಅರ್ಹರಿಗೆ ವೇತನ ನಿಲ್ಲಿಸುವುದು ಸರಿಯೇ?



ಅನರ್ಹರಿಗೆ ವೇತನ ಕೊಡಲು ಶಿಫಾರಸು ಮಾಡಿದವರು ಮತ್ತು ಮಂಜೂರು ಮಾಡಿದವರು ಅದಕ್ಕೆ ಹೊಣೆ ಅಲ್ಲವೇ? ಗ್ರಾಮೀಣ ಪ್ರದೇಶದಲ್ಲಿ ಸಾವಿರಾರು ವೃದ್ಧರು ಮತ್ತು ವಿಧವೆಯರಿಗೆ ಸರ್ಕಾರ ಕೊಡುವ ಈ ವೇತನವೇ ಜೀವನಾಧಾರ.



ಔಷಧಿಗೂ ಅದೇ ಆಧಾರ. ಮುಖ್ಯಮಂತ್ರಿಯವರು ಮತ್ತು ಕಂದಾಯ ಸಚಿವರು ಈ ವರ್ಗದ  ವೇತನದಾರರ ಕಷ್ಟಗಳನ್ನು ಅರ್ಥ ಮಾಡಿಕೊಂಡು ತಕ್ಷಣವೇ ವೇತನ ಬಿಡುಗಡೆಗೆ ಕ್ರಮ ತೆಗೆದುಕೊಳ್ಳುತ್ತಾರೆ ಎಂದು ನಿರೀಕ್ಷಿಸಬಹುದೇ?

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry